Programa d'ordenador
De Uiquipedia
Un programa d'ordenador (de cutio nomáu "programa") ye una llista d'instrucciones pasu a pasu escrita pa un ordenador, nun llinguaxe de programación concretu. Delles veces compárase cola definición d'algoritmu, diciendo que l'algoritmu vien a ser una llista d'instrucciones xenériques y abstractes, mentantu'l programa d'ordenador tien eses instrucciones escrites d'una manera especial pa poder executales nuna máquina concreta.
Lo más normal ye que'l programa tea escritu nun llinguaxe que les persones puen pescanciar, pero que llueu se compile nuna versión del programa que tará nun formatu especial que la máquina pue executar direutamente.
