Sable (arma)
De Uiquipedia
Nota d'edición: El sable ye'l términu xenéricu por escelencia pa designar a les armes de filu curviaes dende los primeros milenios enantes de la nuesa era. L'asitiar el Sable como "arma de caballería napoleónicu" ye demasiao anacrónicu. Ver Categoría:tamién otros "sables": Dau, Alfanxe, Bracamarte, Katana, Cimitarra, Talwar, Saif, Yatagán.
El sable ye una espada curva y d'un solu filu, pensada pa cortar, usada davezu en caballería y por oficiales nel sieglu XIX ya inclusu XX. Tradicionalmente esti calter curvu de la fueya diferencia al sable de la espada.
Esta arma blanca ye de tayu y xurdió pola necesidá de velocidá en combate. Esta llógrase al cortar y nun dexar incrustada la fueya l'arma nel cuerpu l'alversariu (al contrariu de la mayoría de les espaes d'una manu que son d'estocada).
La curvatura que ta asitiada xeneralmente dende la punta fasta la metá'l sable xenera un tayu fonderu.
La curvatura del sable, en teoría, pretende consiguir qu'un home a caballu, al descargar el brazu con esti arma dibuxe un ampliu círculu sobro l'infante algamando que nel puntu de corte'l sable siempres seya tanxente. Por esta razón nun se finca, corta, xorreciendo la ferida ensin quedase espetáu. Por esta causa, los sables pensaos pa caballería, tienen una gran curvatura, son cásique circulares. Los pensaos pa infantería tienen una curvatura menor, pues ha concedese importancia a la fonción defensiva, caltener alloñáu al enemigu y aparar los sos golpes.
Baxo estes considerances, la tradicional Katana xaponesa ye téunicamente un tipu de sable, y non una espada.
