Mathurin Méheut

Diwar Wikipedia, an holloueziadur digor

Un tresour eo bet Mathurin Méheut hag un arzour liesdiskiblezhel ivez. E Lambal eo ganet Mathurin Méheut, en un tiegezh artizanel, e 1882. E Pariz eo marvet e 1958. Mont a reas da Skol an Arzoù-kaer e Roazhon er bloavezh 1897. Da c’houde ez eas da Bariz. E vuhez labour, hir, pinvidik ha frouezus a grogas da vat dre e genlabour gant savlec’h biologel-mor Rosko. Du-se e voe krouet diazez ul levr kaer-meurbet “Raklivadur ar mor 1913/1914 ». Da c’houde e tapas krog en ur veaj davet bro Japan. Galvet en-dro da Frañs abalamour d’an engalvadeg d’ar brezel-bed kentañ e voe savet gantañ ur bern tresadennoù, gwir testenioù eus ar vuhez-bemdez er fozioù-brezel. Goude-se, goude an arzav-brezel, e teuas en-dro d’e vro c’henidig, Breizh. Skeudennaouer a-vicher e teuas da vezañ. Kelenn a rae ivez e skol an Arzoù-kaer. Liesseurt ha liesdoare e oa e labour : kinkladurezh ar mordreizher „Normandie“, skeudennaouer levrioù kaer, kenlabourer talvoudus feilhañserezh Henriot e Kemper. Test ur marevezh eo bet, boemet gant tud e vro. Ervennet en deus Breizh eus Roazhon da Dinan, eus Rosko da Sant-Wenole e bro Vigoudenn o legadiñ d’ar rummadoù nevez ur bern oberennoù hag un testeni prizius. Mirdi Mathurin Méheut a zo staliet e Lambal er geriadenn ma c’hanas enni.

Anvet e oa bet da „livour ofisiel ar Verdeadurezh“ e 1921.

[kemmañ] Buhezskrid

1882 : Ganedigezh e Lambal (Aodoù ar Arvor)
1896 : Deskardelezh e Lambal e ti Mathurin Guernion, pentour-tiez.

Tresadennoù kentañ deiziet.

1898 : Enskrivadur e skol an Arzoù-kaer e Roazhon (Il-ha-Gwilen)
1900 : E Pariz e-pad ur miz
1902 : E dibenn e studioù e Roazhon e tiviz en em staliañ da vat e Pariz. Labourat a ra evit ar gelaouenn „Arts et Décoration“. Embann a ra e dresadennoù war ar pesked hag ar c’houraloù. En em enskrivañ a ra war un dro e Skol vroadel an Arzoù-kinklañ.
1903-1904 : Koñje e Saint-Lô (Manche)
1905 : Dimeziñ gant Marguerite Rouja e Le Mans (Sarthe). O chom emañ ar c’houblad e Pariz er 15vet karter, 45 straed Falguière
1906 : Kemer a ra perzh e Saloñs an Arzourien gall e Pariz
1908 : Ganedigezh e verc’h Maïvon
1910-1912 : Chomadenn ha labour e savlec’h-biologel Rosko. Arselladennoù ha brastresoù ar metoù-mor en un endro skiantel
1912 : Kelenn a ra er skol Boulle
1913 : Kentañ diskouezadeg e-unan e Mirdi an Arzoù-kinklañ (tinell Marsan) eus 450 oberenn savet e Rosko diwar-benn al loened hag ar bleunioù a vor. Gant Mirdi-mor Monaco ha Mirdi Luxembourg e vez prenet e oberennoù. Aet eo ar maout gant Mathurin Méheut evit gounit ar „yalc’h tro-dro ar bed“ roet gant an diazezadur „Kahn“.
1914 : Beaj da Hawaï, da vro Japan da c’houde a-drugarez d’ar „yalc’h tro-dro ar bed“. Ehanet eo ar veaj abalamour d’an engalvadeg d’ar brezel-bed kentañ. Dont a ra en-dro Mathurin Méheut da Frañs. Er 136vet rejimant troaderien Arras eo enluet.
1916-1917 : Anvet eo Mathurin Méheut er servij lec’hanvadurezh ha kartennouriezh e Sainte Menehould ha da Berques da c’houde. Tresadennoù brezel.
1919 : Disoudarderezh. Er skol Boulle eo anvet Mathurin Méheut hag er skol Estienne evit ur prantad berr. Kregiñ a ra ivez da labourat er feilhañserezh Henriot e Kemper (Penn-ar-Bed).
1921 : Anvet eo da „livour ofisiel ar Verdeadurezh“. Eil diskouezadeg en e-unan e Mirdi a Arzoù-kinklañ (tinell Marsan). Oberennoù breizhat, japanat hag a vrezel.
1923 : Diskouezadeg e San Fransisco
1924 : Chomadennoù e ti Albert Kahn. Krouiñ a ra e ginkladurioù kentañ evit mordreizherioù. Nac’hañ a ra kemer perzh e emsav ar Seizh Breur.
1925 : Disoc’h e genlabour gant ar feilhañserezh Henriot : kinnig a ra e listri-taol anvet „ar mor“ hag „ar grampouezhenn“ da-geñver diskouezadeg etrebroadel an Arzoù kinklañ. Ober a ra anaoudegezh gant Yvonne Jean-Haffen.
1926 : Emezelañ a ra da Kevredigezh an arzourien kinkladourien.
1927 : Priajoù kentañ evit Labouradeg broadel Sèvres.
1929 : Kinkladurioù ti-hañv Miramar e Cap Martin evit Albert Kahn.
1930 : Kinkladur sal-degemer savadur Heinz e Pittsburg gant skoazell Yvonne Jean-Haffen.
1931 : Kemer a ra perzh en diskouezadeg trevadennel (priajoù Sèvres)
1932 : Krouidigezh listri-taol anvet « ar mor » evit ar preti “Prunier”
1932-1933 : Labourioù liesseurt evit Labouradeg broadel Sèvres
1933 : Kinkladurioù kentañ evit mordreizherioù ar « C’hevredad treuzatlantek »
1937 : Diskouezadeg etrebroadel an Arzoù hag an Teknikoù e Pariz : kinkladur evit tinell Breizh hag hini ar Verdeadurezh kenwerzh
1937-1938 : Labourioù liesseurt evit Labouradeg broadel Sèvres
1939 : Pallenn-moger « Allégorie à la vie marine » evit Labouradeg ar Gobelins
1940 : Kelenn a ra betek 1944 e skol an Arzoù-kaer e Roazhon (Il-ha-Gwilen)
1941 : Gwerennoù-livet ha priajoù evit ar preti „l’Hûitrière“ staliet e Lille
1942 : Kinkladur Ensavadur douarouriezh Roazhon
1944 : Embannadur al levr « Micherioù kozh Breizh » savet gant Florian Le Roy, tresadennoù gant Mathurin Méheut
1944-1945 : Donoc’h ez a en e labour koadengraver
1945 : Kinnig a ra e livadurioù e saloñs livourien a vor
1946 : Kenembannadur gant Georges Géo-Fourier eus ar rummad kartennoù-post anvet « Breizh Glas »
1949-1950 : Labourioù a brierezh evit an embregerezh Villeroy et Boch à Mettlach (bro Alamagn)
1951 : Kinkladur ti-bank Caisse d’Epargne e Pont-‘n-abad (Penn-ar-Bed)
1952 : Peuroberidigezh talbenn e priaj Feilhañserezh Henriot e Kemper
1955 : Diskouezadeg diwezhañ er palier Bernheim Jeune
1956 : Anvet eo “Akademiad a Verdeadurezh”
1957 : “Pesketerien ar Pevar mor” gant Roger Vercel eo al levr diwezhañ bet skeudennaouet gant Mathurin Méheut
1958 : Mervel a ra e Pariz d’an 22 a viz C’hwevrer

[kemmañ] Mammennoù

« Mathurin Méheut » gant Denise Delouche, Anne de Stoop ha Patrick Le Tiec

Embannadurioù ar Chasse Marée Eil embannadur - 2004

"Voyage d'un peintre Breton au Japon, Mathurin Méheut avril-aout 1914" gant Elisabeth, Hélène ha Patrick Jude

Embannadurioù Ouest France 2004

"Mathurin Méheut, donation Château-Grall ", Katalog diskouezadeg Mathurin Méheut, dediadennoù, roidigezh Château-Grall Roazhon, Mirdi Breizh 29 Meurzh –15 Here 2001
"La Bretagne de Mathurin Méheut" gant Patrick Le Tieck ha Anne de Stoop

Embannadurioù Mirdi Mathurin Méheut, Levraoueg ar Skeudenn 2000