Union für Südtirol
Diwar Wikipedia, an holloueziadur digor
An Union für Südtirol (Unvaniezh evit Tirol ar Su) a zo ur strollad dizalc'hour eus an tu dehou a zifenn ar vinorelezh c'hermanek eus proviñs emren Bolzano. Un ezel eus Emglev Libr Europa eo. En dilennadegoù europat e kinnig kannaded asambles gant strolladoù dizalc'hour pe emrenour arall evel ar Partito Sardo d'Azione, Liga Fronte Veneto, Libertà Emiliana-Alleanza Libera Emiliana hag al Lega Alleanza Lombarda.
[kemmañ] Istor
E 1989 eo ganet ar strollad goude disparti ar c'huzulier proviñsel Alfons Benedikter eus ar Südtiroler Volkspartei. Asambles gant Eva Klotz ha Gerold Maraner e unanas ar Freiheitliche Partei Südtirols, ar Südtiroler Heimatbund hag ar Movimento per il federalismo. Alfons Benedikter a voe e penn-sekretour kentañ.
E 1991 e tremenas ar strollad a-dreuz ur marevezh a enkadenn pan antreas Martin Wenter en-e-varzh. Ne voe diskoulmet ar c'huedennoù nemet goude ma oa bet diarbennet. E erlerc'hier Karl Augsten a zeuas a-benn da lakaat ar strollad war-raok hag 1993 e c'hounezas daou guzuler broviñsel (Klotz ha Benedikter).
E 1994 e kemmas ar strollad anv e ben eus Obmann da Landessekretär (sekretour ar vro). Da Andreas Pöder, e voe roet ha adurzhiet e voe frammadur ar strollad. En aozadur ispisial a voe krouet evit ar re yaouank (Junge Union).
E dilennadegoù 1995 e c'hounezas 40 sez a guzuler-ker. E dilennadegoù broadel 1996 e kinnigas kannidi asambles gant ar Südtiroler Volkspartei, 55.548 mouezh a c'hounezas evit ar parlamant ha 19.330 evit ar sened met sez ebet.
E dilennadegoù proviñsel 1998 e c'hounezas daou sez ha a viras e re 2003.
[kemmañ] Liammoù diavaez
- Union für Südtirol (en alamaneg)
