Hwyaden Gopog
Oddi wrth Wicipedia, y gwyddoniadur rhydd.
| Hwyaden Gopog | ||||||||||||||
|---|---|---|---|---|---|---|---|---|---|---|---|---|---|---|
 |
||||||||||||||
| Dosbarthiad biolegol | ||||||||||||||
|
||||||||||||||
| Enw deuenwol | ||||||||||||||
| Aythya fuligula Linnaeus, 1758 |
Mae'r Hwyaden Gopog (Aythya fuligula) yn un o deulu'r hwyaid trochi ac yn aderyn niferus yn rhannau gogleddol Ewrop ac Asia.
Mae'r ceiliog yn aderyn hawdd ei adnabod, gyda plu du heblaw am yr ochrau, sy'n wyn. Mae'r pig yn llwydlas ac mae plu hir ar y pen sy'n rhoi ei enw i'r aderyn yma. Brown yw'r iar, gyda brown goleuach ar yr ochrau. Mae gan rai o'r ieir rywfaint o wyn o gwmpas bôn y pig.
Mae'n nythu ar lannau llynnoedd neu gorsydd lle mae digon o dyfiant i guddio'r nyth. Mae'n aderyn mudol lle mae'r gaeafau'n weddol oer, yn symud tua'r de neu tua'r gorllewin. Ambell dro gellir gweld cannoedd o adar gyda'i gilydd ar lynnoedd mawr yn y gaeaf.
Yng Nghymru mae cryn nifer yn nythu, a llawer mwy o adar yn symud i mewn i dreulio'r gaeaf.
