Alfred Döblin
El Vikipedio
La germana verkisto kaj kuracisto Alfred DÖBLIN [alfred debLIN] naskiĝis la 10-an de aŭgusto 1878 en Stettin (nuntempe: Szczeczin, Pollando). Li mortis la 26-an de junio 1957 en Emmendingen, Germanio.
De 1905 ĝis 1930 li laboris kiel kuracisto en Regensburg kaj Berlino. Pro sia juda fono li en la jaro 1933 devis emigri: Unue li fuĝis al Parizo kaj en 1940 al Usono. Post la Dua mondmilito li revenis al Germanio, sed de 1951 ĝis 1956 li denove vivis en Francio.
Lia plej fama verko estas la romano Berlin, Alexanderplatz, kiu priskribas la provon de krimulo, post sia liberigo el la aresto komenci novan vivon en la grandurbo Berlino.
[redaktu] Famaj verkoj:
- Die Ermordung einer Butterblume (rakontoj, 1913)
- Die drei Sprünge des Wang-lun (romano, 1915)
- Wallenstein (romano, 1920)
- Berge, Meere und Giganten (romano, 1924; nova eldono titolita: Giganten, 1932)
- Berlin, Alexanderplatz (romano, 1929)
- Pardon wird nicht gegeben (romano, 1935)
- Hamlet oder Die lange Nacht nimmt ein Ende (romano, 1956)
