Insulino

El Vikipedio

Insulinostrukturo

Insulino estas hormono, kiu reguligas la karbonhidratan metabolon. Insulino estas rimedo kontraŭ diabeto.

Insulino estas sekreciata de la pankreataj insuletoj, kiuj malpliigas la glukozemion kaj helpas al la uzo de glukozo en la histoj.

Insulino
Ruĝa=Karbono, Verda=Oksigeno, Blua=Nitrogeno, Roza=Sulfuro

Insulino estas polipeptido hormono kun molekula strukturo C₂₅₄H₃₇₇N₆₅O₇₅S₆.

Insulino estas produktita de beta-ĉeloj de la pankreato, en la insuletoj de Langerhans. El preproinsulino ekestas proinsulino kaj finfine insulino.

La hormono stimulas:

• Sintezon de glikogeno en muskol- kaj hepatĉeloj
• Sintezon de grasacidoj
• Sintezon de proteinoj i.a. en muskolaj histoj
• Transporton de glukozo tra la ĉelmuroj tiel ke ĝi liberiĝas por ĉelmetabolo (tio malpliigas la nivelon de la sangosukero) kaj malebligas la malkomponigon de grasoj kaj glikogeno.

Ĝi reguligas kune kun glukagono kaj adrenalino, kiuj havas kontraŭan efikon, la nivelon de la sangosukero.

Kiam en la korpo estas produktita tro malmulte da insulino oni parolas pri sukera diabeto (diabetes mellitus) tipo 1

Kiam en la korpo estas produktita sufiĉe da insulino sed la korpoĉeloj reagas malbone aŭ nesufiĉe je la insulino oni parolas pri sukera diabeto (diabetes mellitus) tipo 2

Vidu ankaŭ insulinoterapio kaj insulinodependa.

Ĉi tiu artikolo pri "Insulino" ankoraŭ estas ĝermo. Vi povas helpi pluredakti ĝin post klako al la butono «redaktu».
Se jam ekzistas alilingva samtema artikolo pli disvolvita, traduku kaj aldonu el ĝi.

La Vikimedia Komunejo havas dosierojn rilatajn al

Insulino sub la gloso Insulin