Koptoj
El Vikipedio
La esprimo koptoj (greka αιγυπτος "Aigyptos" egiptanoj) signifis origine la loĝantojn de Egiptio. Post kiam en la 7-a jc. la muslimaj araboj konkeris Egiption, la nocio aludis nur la tradicie kristanan loĝantaron de Egiptio.
La islamaj konkerantoj devigis ilin paroli arabe kaj pagi specifan religian imposton. Tio estis la kaŭzo, bazo pri la malrapida disvastiĝo de la islamo inter la egiptia loĝantaro. Tiel la kopta kristaneco iĝis religio de la malplimulto (verŝajne ekde la 13-a jc.).
Ankaŭ hodiaŭ suferas ili malavantaĝojn eĉ perfortojn.
Ĉar la koptoj ne edziĝas/is kun muslimoj, tiel ili estas takseblaj kiel rektaj heredantoj de la praegiptianoj.
Laŭ kopta tradicio, la kristanecon kunportis al la Nilo la evangelisto Sankta Marko en la 1-a jc. kaj tiel li estis la fondinto kaj la unua pastro de la Kopta-Ortodoksa Eklezio. Tiu apartenas al la plej malnovaj eklezioj de la mondo. Ĝi validas kiel eklezio de la martiroj kaj lulilo dela monaĥeco. Ĝi estas unu el la Malnovorientaj Eklezioj.
Ĝis 1959 la kopta eklezio estis ne nur malplimulta religio en Egiptio, sed ankaŭ plimulta kaj ŝtata eklezio en Etiopio (kie ĝi estis multe pli potenca kaj multnombra, kvankam tie ĝiaj membroj ne estis etnaj koptoj). En tiu jaro, tamen, la etiopia eklezio sendependiĝis, laŭ konsento inter la kopta papo kaj la etiopia patriarko.
vidu: Kopta Eklezio, Kopta alfabeto, Kopta lingvo
