Nacia Parko Aulavik
El Vikipedio
| Nacia Parko Aulavik | |
|---|---|
  |
|
| Situo: | Nordokcidentaj Teritorioj, Kanado |
| Plej proksima urbo: | Yellowknife, Sachs Harbour |
| Koordinatoj | 74° 01' N, 119° 44' U Mapo |
| Areo: | 12.200 km² |
| Fondita: | 1992 |
| Visitiĝo: | (en ) |
| Respondeca instanco: | Parks Canada |
Nacia Parko Aulavik estas nacia parko sur Banksa Insulo en la Nordokcidentaj Teritorioj de Kanado. Ĝi estas konata pro sia aliro al la Rivero Thomsen, unu el la plej nordaj navigeblaj riveroj de Nordameriko. Oni povas nur fluge atingi la parkon, kaj ĝi protektas proksimume 12,274 km² da arktaj ebenaĵoj ĉe la norda parto de la insulo. Por viziti la parkon plej efike oni luu aviadilon: en 2005 estis kvar surterigejoj en la parko. NP Aulavik estas arkta dezerto kaj ofte spertas fortajn ventojn. Nur 300 mm da precipitaĵo falas en la parko jare. En la sudaj regionoj de la parko malmulte prikreskata alta ebenaĵo atingas altecon de 450 metroj super marnivelo.
La parko havas la plej altan koncentriĝon de ovibovoj de la mondo: oni taksas ke estas 68.000 ĝis 80.000 ovibovoj sur la insulo, de kiuj 20% ŝajne loĝas en la parko. Tie ankaŭ vivas la endanĝerigita karibuo de Peary kiel ankaŭ la pli multnombra karibuo "barren-ground". La lagopo kaj korako estas la solaj birdoj vivantaj tutjare en la parko, kvankam 43 apartaj birdo-specioj uzas la parkon dum parto de la jaro. La parko estas plene senarba, kaj arktaj vulpoj, brunaj lemoj, kolumaj lemoj, arktaj leporoj, kaj grizaj vulpoj vagadas sur la severa tereno. Inter la rabobirdoj en la parko estas neĝ-strigoj, buteoj, girfalkoj, kaj migraj falkoj, kiuj nutras sin per la lemoj.
En Nacia Parko Aulavik estas du gravaj golfetoj, Golfeto Castel kaj Golfeto Mercy, kaj norde de ĝi estas Markolo M'Clure. Kapitano Robert M'Clure pasigis du vintrojn en Golfeto Mercy sur la ŝipo HMS Investigator kiam li serĉis la mankantan Ekspedicion Franklin inter 1850 kaj 1853. La teamo de M'Clure forlasis sian ŝipon en Golfeto Mercy kaj migris trans la marglacion en la markolo por albordiĝi en alia ŝipo, la HMS Resolute.
[redaktu] Vidu ankaŭ
[redaktu] Ekstera ligo
|
Naciaj parkoj: Arbara Bizono • Aulavik • Auyuittuq • Banff • Breton-Kabaj Altaĵoj • Duoninsulo Bruce • Forillon • Fundy • Glaĉera • Golf-Insuloj • Gros Morne • Gwaii Haanas • Insulo Elk • Insuloj de Georgia Golfeto • Insulo de Princo Eduardo • Ivvavik • Jasper • Kejimkujik • Kluane • Kootenay • Kouchibouguac • Lagoj Waterton • La Maurice • Mingana Insularo • Montaro Torngat • Monto Revelstoke • Nahanni • Pacifika Marbordo • Pinto Pelee • Preria • Princo Albert • Pukaswa • Quttinirpaaq • Rajda Monto • Sirmilik • Sankt-Laŭrenca Insularo • Terra Nova • Tuktut • Ukkusiksalik • Vuntut • Wapusk • Yoho |
 |
