Orienta kurlo
El Vikipedio
| Orienta kurlo | |||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|
| [[Dosiero:]] | |||||||||||||||||||||
| Biologia klasado | |||||||||||||||||||||
|
|||||||||||||||||||||
| Binoma nomo / Trinoma nomo / ktp. | |||||||||||||||||||||
| Numenius madagascariensis |
La Orienta kurlo aŭ Orienta numenio(Numenius madagascariensis) estas vadbirdo el la ordo de ĥaradrioformaj birdoj kaj familio de skolopedoj.
Enhavo |
[redaktu] Aspekto
Tiu birdo estas tre similaspekta kun la samgenranoj Malgranda kurlo, Numenius phaeopus, kaj kun Longbeka kurlo, Numenius americanus, sed iome pli granda -de 55 ĝis 66, mezaveraĝe 63 cm kaj pezo de ĉirkaŭ 900 g kaj beko de 18 cm-. Ĝi estas ĉefe bruna kaj diferenciĝas de aliaj kurloj pro ties senbildaj brunaj punktitaj subflugiloj. Pintoflugiloj estas malhelaj supre. Ĝi havas longan subenkurvitan bekon, kiel ĉiuj kurloj, sed la plej longan el ili -la inoj eĉ pli longan-.
[redaktu] Disvastiĝo
La Orienta kurlo, (Numenius madagascariensis), -spite ties scienca nomo, kiu rilatas al loko kie unue oni identigis ilin- bredas en nordorienta Azio, inkludante Siberion ĝis duoninsulo Kamĉatko kaj Mongolio. Ties breda medio konsistas el marĉaj kaj malsekaj humidejoj kaj mar- kaj lagobordoj. Plej granda parto de la birdoj vintras en marborda Aŭstralio, kaj kelkaj en Sud-Koreio, Tajlando, orienta Indonezio, Novgvineo kaj norda Novzelando, kie ili restas ĉe estuaroj, strandoj and salaj marĉoj. Dum migrado La Orienta kurlo (Numenius madagascariensis) kutime trapasas la Flavan Maron.
[redaktu] Kutimoj
Tiu birdo uzas ties longan, kurvitan bekon por probotuŝi malrapide kaj certige senvertebrulojn en koto kaj inter algaro kaj mortinta plantaro, kie ties longaj kruroj permesas al ili moviĝi senpene. Ĝi povas manĝi solece sed plej ofte laŭ grandaj aroj por migrado aŭ ripozado. La alvoko estas akra kaj klara fajfado kiel “kiu-riii” aŭ “kur-li”, ofte repetita. Maskloj uzas alvokojn kaj flugomontron por defendi la teritorion.
Nestoj estas truo surplanke. La ino demetas kvar ovojn. Bredado okazas junie kaj julie; aŭguste komencas migrado.
La Orienta kurlo (Numenius madagascariensis) estas birdo ne tre konata, nekomuna kaj eble malpliiĝanta. Je 2006, povas esti ĉirkaŭ 38,000 individuoj tutmonde, kio ne estas multe se konsideri ties ampleksegan teritorion.
[redaktu] Referencoj
- O'Brien, Michael et al. (2006). The Shorebird Guide. New York: Houghton Mifflin. ISBN 0-618-43294-9
- BirdLife International 2004. Numenius madagascariensis. Ruĝa listo de minacataj specioj.
- Informo pri specioj de Flava Maro
