Petro Panĉ
El Vikipedio
Petro Panĉ ukraine Петро Панч, pseŭdonimo de Panĉenko Petro (1891-1978) - populara ukraina verkisto, "unu el la plej eminentaj kreantoj de la nova ukraina revolucia literaturo" (S. Sinickij). Li naskiĝis apud Ĥarkivo en familio de radisto, finis Poltavan termezuristan lernejon. Komencis verki en 1921, en 1925 kunfondis Liberan Akademion de l'Proleta Literaturo]], kiu estis likvidita en 1927. Verkis multajn rakontojn, novelojn, romanojn. "Bruegis Ukrainio" (“Гомоніла Україна”, 1954) estas lia la plej fama historia romano pri batalo de ukraina popolo en 1638-1649 kontraŭ polaj okupantoj. "Li estis unu el tiuj nemultaj fizike saviĝinta, morale terorigitaj kaj tamen tiuj, kiuj plue restas fidelaj al si, kiuj laŭpove en la plej komplikaj cirkonstancoj de la totalismo subtenas la apenaŭ bruletantan vivon de la ukraina kulturo." (Olesj Honĉar). Laŭreato de Ŝevĉenka ŝtata premio.
Verkis ankaŭ por infanoj.
En 1931 en Germanio aperis per aparta libreto "La morto de Janulans" (Lejpzig, eldonejo Ekrelo) Esperantaj tradukoj de tri liaj rakontoj, interpretitaj de S. Sinickij:
- La morto de Janulans
- La vetkurado
- Letero de Tiĥon
