Trudherbo
El Vikipedio
Trudherbo, fiherbo aŭ herbaĉo estas planto, kiu konsideriĝas ĝena en ĝardeno aŭ alia agrikulturejo. La difino, kiu planto konsideriĝas trudherbo kaj kiu ne, preskaŭ ekskluzive dependas de la homo fleganta tiun agrikulturejon. Trudherbo en certa loko povas esti prodektinda sovaĝa planto en alia konteksto.
Ekzemple, la planto leontodo estas vaste rigardata trudherbo, kvankam iuj homoj rigardas la planton tute bela, kaj sendiskute la folioj bone manĝeblas salate, kaj do la planto estas tute "utila" el homa vidpunkto. Krom leontodo, ankaŭ pluraj aliaj trudherboj manĝeblas, kaj iliaj folioj, floroj kaj radikoj uziĝas kiel manĝaĵo aŭ natura medikamento. Por ke herbo konsideriĝu trudherbo, necesas ke ĝi rapide kreskas kaj persiste disvastiĝas, kaj per tio facile konkurencas al tiuloke dezirataj plantoj, kiuj kreskas malpli sukcese kaj nur kaŭze de homa flegado.
Pliaj ekzemploj de plantoj, kiuj ofter rigardiĝas trudherboj, estas
- cejano (centaŭreo)
- merkurialo
- ranunkolo kaj
- vakario.
Antaŭ 3000 ĝis 2000 ankaŭ la nuntempe aprezata greno sekalo konsideriĝis trudherbo en kampoj de tritiko.
