Viktor Ŝenderoviĉ

El Vikipedio

Viktor ŜENDEROVIĈ (naskiĝis la 15-an de aŭgusto 1958 en Moskvo) estas rusia satiristo kaj televida ĵurnalisto.

[redaktu] Ŝenderoviĉ kiel politikisto

[redaktu] Baloto al Dumao en 2005

Viktor Ŝenderoviĉ deklaris pri sia intenco balotiĝi en Ŝtatan Dumaon en 201-a Universitetskij balota distrikto de Moskvo. Laŭ liaj vortoj, la lastaj balotadoj en unumandataj distriktoj estas lasta ŝanco por la popolo memorigi al la potenco pri si per civiliza maniero, informas interreta eldonaĵo "Ĉiutaga ĵurnalo".

Ŝenderoviĉ diris, ke li balotiĝos por ebligi al milionduono da elektantoj de la 201-a distrikto esprimi sian rilaton al la farso, en kiun la potenco transformis la parlamenton kaj la proceduron de balotoj.

La ĵurnalisto ankaŭ memorigis, ke pli frue Miĥail Ĥodorkovskij intencis balotiĝi en ĉi tiu distrikto, kaj por li, laŭ datumo de sociologia organizo "Levada-centro", povis voĉdoni pli, ol triono da la elektantoj.

Ŝenderoviĉ substrekis, ke li ne intencas transformiĝi en politiksiton, kaj lia dumonata balotkampajno estos publika eksperimento de la libera ĵurnalisto. Necesas konsideri, ke Viktor Ŝenderoviĉ estas membro de konsilio de la "Komitato-2008. Libera elekto.", gvidata de Garri Kasparov, tutmonde konata ŝakisto, kiu lastatempe tre multe politikumas.

La aldonaj balotoj en Ŝtatan Dumaon okazis la 4-an de decembro 2005, kaj la 4-a de oktobro estis la lasta tago, kiam oni povis prezenti necesajn dokumentojn en la elektan komisionon.

Pli frue, en lundo, la 3-a de oktobro, la Centra elekta komisiono de Rusio promulgis kandidatojn en deputitoj de Ŝtata Dumao de partioj "Unueca Rusio" kaj "Patrolando", kiuj estos enregistritaj en bultenoj en Universitetskij distrikto de Moskvo. Kiel oni informas en paĝaro de televida novaĵ-programo "Vesti", oni balotigis kinoreĝisoron Stanislav Govoruĥin de partio "Unueca Rusio" ("Jedinaja Rossija"), kaj de partio "Patrolando" ("Rodina") oni balotigis membron de la partia politika konsilantaro Sergej Danilenko.

Estro de la Centra elekta komisiono Aleksandr Veŝnjakov memorigis, ke kandidato de "Unueca Rusio" ne bezonas kolekti subskribojn de elektantoj por registriĝo, ĉar ĉi tiu partio estas en konsisto de Dumao.

Laŭ vortoj de komisiona membro, al nuna momento 29 homoj informis la komisionon pri sia intenco kandidatiĝi en la balotado en Ŝtatan Dumaon en 201-a Universitetskij distrikto.

Ŝenderoviĉ malgajnis en la balotoj kaj ne iĝis deputito. Pri sia sperto li verkis libron "Nefindumaiĝinto" ("Недодумец").