Stirling
Na Galipedia, a wikipedia en galego.
Stirling (Sruighlea en gaélico escocés, Stirlin en escocés) é unha pequena cidade no centro de Escocia, e que se atopa entre a Terra Alta e a Terra Baixa de Escocia.
É unha vila antiga, formada ao redor dun importante castelo histórico, e que ten memoria dende a Idade Media. É ademais un centro administrativo, universitario, comercial e da industria lixeira. No censo de 2001 tiña 45.115 habitantes.
Noutro tempo capital do reino de Escocia, Stirling levou o nome de "vila real" ata o ano 2002, cando, co gallo das festas xubilares da raíña Isabel II, lle acordaron o estado de "cidade".
En Stirling tivo lugar a batalla da ponte de Stirling que enfrontou os escoceses capitaneados por William Wallace cos ingleses en 1297 e que rematou coa vitoria escocesa.
[editar] Cidades irmandadas
- Villeneuve-d'Ascq, Francia
- Dunedin, Florida, Estados Unidos
- Obuda, Hungría
- Summerside, Illa do Príncipe Eduardo, Canadá
