Bulla de Auro
De Wikipedia, le encyclopedia libere
- Version audio disponibile. Ascolta iste articulo in forma parlate.
Le Bulla de Auro
Le Bulla de Auro (germano: Goldene Bulle; latino: Bulla Aurea) esseva un lege fundamental del Sacre Imperio Roman del Nation Germanic, nominate post le cassa auree in que le sigillo attachate al documento esseva placiate, signate per le imperator Carolo IV in januario de 1356 durante le Dieta de Nuremberg e revidite al Dieta de Metz in novembre del mesme anno.
[modificar] Principes-electores
- Articulo principal: Principe-elector
Le articulos del Bulla de Auro esseva de importantia constitutional pro le imperio, ordinante que cata imperator sia eligite, e que le derecto de votar sia impartite a principes-electores, cuje numero sia septe: tres del principes ecclesiastic le plus connexe con le historia del imperio, i.e. le archiepiscopos de Magontia, de Treveris, e de Colonia, e quatro capites de stato secular: les de Bohemia, del palatio del Rheno, de Saxonia (Sachsen-Wittenberg), e del marchese de Brandenburg.
Le Bulla definiva etiam le poteres que le constitution imperial dava al corpore de electores e separatemente a certe electores individual, includente provisiones special pro le caso de vacantia del throna. Le documento impartiva ergo al electores in lor capacitate como regentes de principalitates certe privilegios originalmente reservate al rege e imperator german como signos de su soveranitate. Le transferimento de iste derectos a regentes subordinate renderea les gradualmente, per necessitate, independente del capite del imperio.
[modificar] Altere provisiones
Le Bulla provideva etiam al preservation del pace in le imperio e decretava mesuras pro limitar le importantia politic crescente del citates libere surgente. In general le lege esseva intendite a confirmar derectos jam stabilite e a decider detalios disputate concernente illos.
