Chew Valley Lago
From Wikipedia
| Chew Valley Lago | |
 |
|
| Latitudo | 51° 20′ 4.92″ N |
| Longitudo | 2° 37′ 4.92″ W |
| Loko | Somerset, UR |
| Areo | 1,200 acres (4.9 km²) |
| Volumino | 20,000,000 m³ |
| Guvernerio | Bristol Water |
| SSSI Ref | 1001346 |
| SPA Kodo | UK9010041 |
Chew Valley Lago esas granda rezervuyo en Chew Valley, Somerset, Anglia, e la maxim granda artificala lago en sud-westa Anglia kun areo di 1,200 agri (4.9 km²). La lago, facita ye la frua 1950a yari e apertita da Rejo Elizabeth II ye 1956, provizas la maxim multa parto di drinkebla aquo por la urbo di Bristol e la areo proxima, e prenas sua aquo de la Mendip Kolini. Ulo ek la aquo en la lago uzesas por mantenar la fluo en la Chew Rivero.
Ante la lago esis inundata, arkeologiala inquesti facesis, e montris ke homi habitabis dum ke Nova Petro-Epoko ed inkluzis Anciena Romana objekti. La lago esas anke importanta loko por animali ed esas Site of Special Scientific Interest (SSSI, situo di specala ciencala intereso) e Special Protection Area (SPA, specala protektita areo). Ol esas centro por vidar uceli kun plu kam 260 specii, e kelka ne-normala vidaji. La planti ed animali en la areo kreas multa habiteyi ed inkluzas kelka ek la min generala planti ed insekti.
Uzado restriktata di la lago permisesas de la proprietanti Bristol Water.
[redaktar] Loko
Chew Valley Lago jacas en la Chew Valley en la norda parto di la Mendip Kolini, kun prati e foresti ed esas proxima a la vilaji di Chew Stroke, Chew Magna e Bishop Sutton. Kande ica artificala lago facesis dum la 1950a yari, la 1,200 agri (4.9 km²) inundesis kun 20,000,000 m³ di aquo de la Mendip kolini, kun areo di 14,000 agri (57 km²). Chew esas relative neprofunda, kun mezala profundeso di 4 m e maxim granda profundeso di nur 11 m. Aden la lago eniras kelka mikra riveri, ed aquo de la lago fluas aden la Chew Rivero por 27 km ante enirar a la Avon Rivero, qua fluas aden la maro. La maxim profunda loko di la lago esas proxima a la digo e turmo. Denny Insulo, qua esas sur la surfaco dum la yaro, esas forestizita e donas lojeyo ad animali qui lojas ibe.
