Rénmínbì
Us de Wikipedia
Rénmínbì (Volkswährung) is dat Jeld vun dä Shineesen in dä Volxrepublik Schina.
Noh der ISO 4217 weed et mėt CNY affjekööz. In China selvs bruchen se ävver RMB dovür. Dat Sümmbol för Rénmínbì eß ¥.
Jezällt weed dat Jeld in Schina in Yuán (formell: 圆, dat eß Einheit, söns jewöönlish: 元). Ene Yuán sin 10 Jiǎo (角) un dat sin widder 100 Fēn (分).
Wäm_mer janz jewöhnlish de Shlabberschnüßß schwadt säät mer fö_dä Yuán öff Kuāi (块, dat es Stöck) un fö_de Jiǎo dann Máo (毛).
Enhaldsüvversich |
[Ändere] Wat de Aanpacke kannß
Et jitt Sching för 100, 50, 20, 10, 5, 2 un 1 Yuán; Sching vun 5, 2 un 1 Jiǎo; dozoo 5, 2 un 1 Fēn.
Et Mönnzjeld eß 1 Yuán; 5, 2 un 1 Jiǎo; un zolez 5 un 1 Fēn-Sching.
Dat janze Fēn-Jeshräppel — Metall- wi Papierjelld — weed winnish jebruch un mer kridd_et bloß noch sellten ėn de Finger.
[Ändere] Beschänkunge
Rénmínbì jidd_et bloß in Shina. Anderswo darf mer se nit hinbrenge oder metnemme un dröm kammer se och nit kriije. Wenn de Jelld noh Shina metnemme schecke odder övverviese wells, mußte en andere Wäerung nemme. Dat jeiht.
[Ändere] Ömwääßele
Zick 1994 es dat Shinesische Jeld met der Ammis ihre Dollaars verbonge.
[Ändere] Falsch_Jellt
Nohjemaate Sching jiddet öffter. Besönderß de neüe 50 un 100 Yuán Rénmínbì hannet der Fällscher aanjedonn. Wann ene Frembde domet aankütt, dann luuren de Schineesen janz besönders joot drop — Mißßtraue. Och ėn der Spaarkaßß kannß_De ėn Schina nit sicher sinn, dat_De kein verkierte Sching aanjedrieht krißß. Extra oder Doofheijt, dat weet mer nit weßße.
[Ändere] Websigge
- Schablon:Commonsbilder
- People's Bank of China — Nazjonaalbank vun der Volxrepublick China (op english)
Saachjruppe: Jeld | Shina
