Epîlepsî

Ji Wîkîpediya

Epîlepsî (bi Grekî: επιληψία, bi Latînî: epilepsia) yek ji nexweşiyên neurolojîk e.

Ji sedemên tevlîhev ên mejî tê. Zêdebûna elektrîkê di fonksiyonên mejî û xerabûn di têkiliyên navbera beşên mejî bingeh in. Di hinek mînakan de sedî sed sedem û çareserî nayê zanîn. Nexweşî xwe bi krîzên nebirêkûpêk ên ji nişka ve rûdidin dide der. Pirranî nexweş bo demekê ji hişarê dikeve, jixweve diçe. Di hin mînakan de dipelpite û kef ji dev tê.

Li Kurdistanê di krizên epîlepsiyê de pîvazê didin ber pozê nexweş daku li hişarê vegere. Ev rêbaz çendîn bikêr e nayê zanîn.

[biguherîne] Hin sedemên ku epîlepsiyê ditetikînin

Kêmasiya vîtamîna B6
Kronîk zêdebûna tîna laş
Menenjît hwd nexweşiyên neurolojîk ên piştî jidayîkbûnê
Hin cureyên tûmorên neurolojîk
Sawên mezin
Îşemî ya mejî, angi kêmxwîngirtina mejî
Di bicanîbûnê de bikaranîna elementên nelirê ya dê
Bûyerên bixetere, nelirê yên di jidayîkbûnê de, wekî kêmgirtina oksîgenê hwd

Epîlepsî pirranî di 6 saliyê de destpêdike. Hin nexweş dema bêhneke biyan digirin dikevin pêla krîzê. Hin jî dema televizyonê temaşe dikin, krîz destpêdike. Lê ev mînakan ne standart in.

[biguherîne] Terapî

Heger krîz li pey hev tên û ji 20 dq zêdetir didomin divê sedî sed mirov bang li ambûlansê bike. Bijîşk bo terapiya destpêkê ji koma Antikonvulsiva ya ji malbata Benzodiazepine dermanan bikartînin. Nirxên EEG dide, rêbaza terapiyê kivşe dike.