ISO 639-3

From Wikipedia

Cheest artícul al è scrivüü in koiné uçidentala, urtugrafía ünificada.

ISO 639-3 al è un standard internazziunaal da còdas da lenguacc. Al esteent ul còdas alpha-3 in ISO 639-2 cun l'ànem da cuvrí tücc i lenguacc cugnüssüü. Per taant, al è un sura-cungjuunt dal ISO 639-1 e di linguacc individüaal in ISO 639-2. La paart 2 apó la cjapa deent culezziun da lenguacc, cura ca la paart 3 le fa mia, inscí 639-3 al è mia un sura-cungjuunt da 639-2.

Ul sbozz da 2005-07-30 al cuntegn 7602 entraat. L'inventari di leench al è basaa sü trè fuunt: i lenguacc individüaal dal 639-2 i-è la baas, estendüda par linguacc mudeern da la 15ma edizziun dal Ethnologue e par varietaa stòrich, lenguacc andeech e arteficjaal da la Linguist List.

Ul status da cheest prugett a Ginée 2005 al è chel da Draft International Standard (DIS). Ul sbozz cureent al è referii cuma ISO/DIS 639-3.

[redatá] Spazzi di còdas

Gja che ul còdas al è alfabétich da trè lètar, un límit da sura pal nümar da leench al pöö vess representaa par 26 × 26 × 26 = 17576. Dal mumeent che ISO 639-2 al definiss di còdas spescjaal (2), un raanch reservaa (520) e di còdas nomà-B (23), 545 còdas i-pöö mia vess duvraa a la paart 3. Dunca un límit da sura plüü bass al è 17576 - 545 = 17032. Ul límit da sura al vegn plüü bass anmò se vün al detrata la culezziun da lenguacc definda in 639-2.

[redatá] Macrolenguacc

Artícul principaal: macrolenguacc ISO 639.

A gh'è deent 56 lenguacc in 639-2 che ul SIL al cunsidera vess di 'Macrolinguacc' in 639-3 [1]. Vargün da chiist macrolinguacc al gh'eva nissün lenguacc individüaal, inscí cuma definii par 639-3 in ISO 639-2, e.g. 'ara'. Di oolt cuma 'nor' i gh'eva gjanmò i sò paart individüaal (nno,nob) in 639-2. Vargott al vöör dí che di linguacc (e.g. 'arb') ch'i era cunsideraa vess di dialett d'un lenguacc par ISO 639-2 adess i-è cunsideraa in in ISO 639-3 vess di linguacc individüaal apó luur.

Cheest-chí al è un tentatiif da tratá varietaa ch'i pöö vess linguisticameent distiint, ma ch'i è trataa paj lucutüür cuma dò fuurm dal medésim lenguacc, e.g. in caas da diglòssia.

E.g.

http://www.sil.org/iso639-3/documentation.asp?id=ara (Generic Arabic, 639-2)
http://www.sil.org/iso639-3/documentation.asp?id=arb (Standard Arabic, 639-3)

Videe http://www.sil.org/iso639-3/macrolanguages.asp par la lista cumpleta

[redatá] Lenguacc culettif

Vargün còdas ISO 639-2 ch'i è da manera cumüna duvraa par di lenguacc, i representa mia una particülaar lenguacc u di lenguacc relaa (cuma i macrolenguacc da sura). I è cunsideraa lenguacc culetiif e i è lassaa fö da ISO 639-3.

Lenguacc culetiif e i söö còdas ISO 639-2 i-è:

mia uviameent un culetiif in 639-2:
- Banda (bad)
- Bihari (bih)
- Batak (btk)
- Dayak (day)
- Himachali (him)
- Ijo (ijo)
- Karen (kar)
- Kru (kro)
- Nahuatl (nah)
- Songhai (son)
- Zande (znd)
uviameent culetiif:
- Artificial languages (art)
- Afro-Asiatic (Other) (afa)
- Altaic (other) (tut)
- Romance (other) (roa)
- Niger-Kordofanian (Other) (nic)
- ...