പാസ്റ്ററീകരണം
വിക്കിപീഡിയ, ഒരു സ്വതന്ത്ര വിജ്ഞാനകോശം.
പാല് കേടാകാതിരിക്കാനായി ലൂയി പാസ്റ്റര്‍ കണ്ടുപിടിച്ച രീതിയാണ്‍ പാസ്റ്ററീകരണം (Pasteurization)
കാച്ചി വച്ചില്ലെങ്കില്‍ പാല് പിരിഞ്ഞുപോകും. കാച്ചിയ പാല് ഏറെ നേരം വച്ചിരുന്നാലും പിരിയുന്നില്ല. കറന്നെടുത്ത പാലില്‍ പലതരം ബാക്ടീരിയകളുണ്ട്. വായുവുമായി സമ്പര്‍ക്കം വരുമ്പോള്‍ ഈ ബാക്ടീരിയകള്‍ പെരുകുന്നു. അപ്പോള്‍ പാല് പുളിച്ചു തുടങ്ങും. പാല് തരുന്ന പശുവിനോ എരുമയ്ക്കോ ആടിനോ വല്ല രോഗവുമുണ്ടെങ്കില്‍ ആ പാലില്‍ കൂടുതല്‍ ബാക്ടീരിയകള്‍ കാണും (ക്ഷയരോഗവും മറ്റും പശുവില്‍ നിന്ന് മനുഷ്യനിലോട്ട് ഇങ്ങനെ സംക്രമിക്കാറുണ്ട്). പിന്നെ പാല് കറക്കുന്നയാളിന്‍ എന്തേലും രോഗമുണ്ടെങ്കില്‍ അതിന്റെ ബാക്ടീരിയ പാലില്‍ കലരും. അകിടും പിന്നെ പാത്രവും കഴുകാ‍നുപയോഗിക്കുന്ന ജലത്തിലും ബാക്ടീരിയകള്‍ കാണും. ഇങ്ങനെ കടക്കുന്ന ബാക്ടീരിയകളാണ്‍ പാലിനെ കേടാക്കുന്നത്.
പാലോ വെണ്ണയോ പാസ്റ്ററീകരിക്കുമ്പോള്‍, ഒരു പ്രത്യേക താപനില വരെ ചൂടാക്കിയശേഷം പെട്ടന്ന് തണുപ്പിക്കുന്നു. അപ്പോള്‍ ബാക്ടീരിയകള്‍ നശിക്കുന്നു. പാല് 62ഡിഗ്രി സെല്‍‌ഷ്യസ് വരെ 30 മിനിട്ട് ചൂടാക്കുക. എന്നിട്ട് തണുപ്പിക്കുക. അപ്പോള്‍ ബാക്ടീരിയകള്‍ നശിക്കുന്നു. പാസ്റ്ററീകരണം നടത്തിയ പാല് വീണ്ടും തിളപ്പിക്കാതെ ഏറെ നേരം വച്ചാലും കേടാകില്ല. ഇന്നു കിട്ടുന്ന മിക്ക പാലും വെണ്ണയും ഒക്കെ പാസ്റ്ററീകരണം നടത്തിയവയാണ്‍.
ഇന്ന് പാസ്റ്ററീകരണത്തിന്‍ ബീറ്റാ രശ്മികളും ഗാമാ രശ്മികളും ഒക്കെ ഉപയോഗിക്കാറുണ്ട്. ഈ രശ്മികള്‍ പാലിലെയും മറ്റ് പാനീയങ്ങളിലേയും ബാക്ടീരിയകളെ നശിപ്പിക്കും.
