Cristiano Ronaldo
Frå Wikipedia – det frie oppslagsverket
Cristiano Ronaldo dos Santos Aveiro (født 5. februar 1985 i Funchal på Madeira i Portugal) er ein portugisisk fotballspelar. Han spelar for den engelske klubben Manchester United, og har tidlegare spela for Sporting Lisboa i heimlandet.
Han vart ligameister med Sporting Lisboa i 2003, og i august same år skreiv han under for United. Mange frykta at presset vart stort for den dåverande 18-åringen sidan han fekk den legendariske trøya nr. 7. Ronaldo meistra forventningspresset fint, og var med på å vinne FA-cupen i den fyrste sesongen sin. Han har forlenga kontrakt med Manchester United til 2010.
Cristiano Ronaldo vert rekna som ein av dei mest talentfulle spelarane i Europa, og har fast plass på det portugisiske herrelandslaget i fotball. Han debuterte på landslaget i august 2003, og var ein av dei beste spelarane på laget under EM i 2004, der han scora to mål. Mest kjend er C. Ronaldo for dei vanvittige fintene og finessane sine i tillegg til ein svært god basisteknikk. Skot- og pasningsfoten hans er også i orden og alt i alt er han ein av dei klart mest talentfulle spelarane i verda på sin alder.
Den portugisiske driblefanten vert sponsa av sportsutstyrprodusenten Nike, og skorne han brukar er av typen Mercurial Vapor.
[endre] Karriere som spelar (alle turneringar)
Per 22. januar 2007
| Klubb | Kampar | Mål | Periode |
|---|---|---|---|
 Sporting Lisboa |
25 | 3 | 1999-2003 |
 Manchester United |
166 | 40 | 2003 - |
