Fjellerke
Frå Wikipedia – det frie oppslagsverket
| Fjellerke |
|---|
 |
Fjellerke (Eremophila alpestris) er ei lerke (alaudidæ) som hekkar i Europa, Asia og Nordamerika, samt spreidd i fjellområde i søraustre Europa. Det finst òg ein isolert populasjon i Andesfjella i Colombia. Lengst sør i Europa er arten standfugl, mens han i nord er trekkfugl som flyttar sørover om vinteren. Mange individ trekkjer ned til kysten om vinteren. I store delar av Europa kan ein observere arten på strender ved sjøen vinterstid.
Fjellerka førekjem i opne landskap og i fjellet over tregrensa. Ho er ca 16–19 cm lang. Til forskjell frå dei fleste andre lerkeartane har ho ein kjenneleg utsjånad på marka, mest brungrå på oversida og lys under, med ei karakteristisk teikning i svart og gult i ansiktet. Hannfuglen og hofuglen er elles nokså like, men berre hannfuglen får svarte «horn», to fjørbuskar på hovudet om sommaren. Den søreuropeiske underarten penicillata er gråare på oversida og har kvitt i staden for gult i ansiktet. Reiret ligg på marka med 2–5 egg. Føda er frø som vert komplettert med insekt i hekkesesongen.
Arten fanst ikkje i Norden før 1800-talet. I Noreg har populasjonen gått tilbake dei siste åra, utan at ein veit årsaka. Derfor står arten på raudlista som sårbar. Storleiken på populasjonen her er under 10 000 par.
[endre] Bakgrunnsstoff
ArtDatabankens faktablad (PDF-fil) (Svensk språk)
