Margrethe II av Danmark

Frå Wikipedia – det frie oppslagsverket

Margrethe II

Dronning av Danmark	frå 14. januar 1972
Føregjengar	Frederik IX av Danmark
Etterfylgjar	Kronprins Frederik av Danmark
Fødd	16. april 1940 i Amalienborg Slott i København
Død
Gift med	Prins Henrik av Danmark
Barn	Frederik (f. 1968) Joachim (f. 1969)
Gravlagd
Valspråk	Guds hjælp, folkets kærlighed, Danmarks styrke

Dronning Margrethe II (Margrethe Alexandrine Þorhildur Ingrid), titulert HM Dronningen (fødd 16. april 1940), har sidan 14. januar 1972 vore regjerande dronning og statssjef i Danmark.

Ho blei fødd i 1940, like etter at tyske styrker hadde invadert Danmark, og var ein stor trøyst for landet. Åra gjekk, utan at foreldra, kronprins Frederik og kronprinsesse Ingrid, fekk ein son som kunne vera tronarving. Den yngre broen til kongen, Knud, var arveprins, og etter han den eldste sonen hans, Ingolf. Folket ville svært gjerne sjå Margrethe på trona.

I ein del år hadde Folketinget vurdert å endra den danske grunnlova, men hadde latt det bli med tanken, ettersom ei endring krevde at 45% av folket med stemmerett skulle stemma for henne. Statsminister Erik Eriksen fekk idéen om å ta kvinneleg arvefølge med i endringa, slik at fleire ville stemma for. Sjølv om stort sett heile Folketinget var for endringa, og trass i den store populariteten til kongehuset, blei endringa bare såvidt vedteken, med 46% deltaking. Tronfølgelova av 1953 førte til at prinsesse Margrethe blei den første i arvefølga.

Margrethe II tilhøyrer fyrstehuset Schleswig-Holstein-Sonderburg-Glücksburg.

[endre] Lenkjer ut