Votlo
Frå Wikipedia – det frie oppslagsverket
Votlo er ei bygd ved Haus på Osterøya som ligg ved Sørfjorden ved Osterøy. Grenda ligg brattlendt til mot sør med mykje edellauvskog og sjeldne plantar i liene. Om våren bugnar liene med ramslauk, angen av løk kjenner ein lang lei.
Namnet kjem truleg av «vetle å» (på andre sida av fjorden ligg Ytre Arna med den store elva, eller "Ælvæ", altså Blindheimselva). Namnet har vore skrive på ymse måtar opp gjennom tidene, t.d: Vatle, Wotle, Wathle, Votle og Vasle.
Mange fornminne m.a. fleire steinøkser er funne på Votlo, noko som tyder på at her har budd folk lenge.
Tøveskoen (eller filtsko/ ullsko/ pampusar/ laddar) vart oppfunnen her av Maria Olavsdotter Askeland. Ei tid dreiv alle bøndene på Votlo med ullskoproduksjon som attåtnæring.
Då Peter Jebsen skulle bygga Arne fabrikker vart det sett opp eit teglsteinverk på Votlo (rundt 1850). Gråstein frå liene og teglstein frå Votlo vart nytta til bygging i Ytre Arna.
