Ciaciarade:Borichèt

Da Wikipedia.

Contnù 1 Bin avnù ant la wiki piemontèisa! 2 Nòm an piemontèis 3 Convension wiki ant sij nòm dle biografìe 4 Nòmina a Aministrator 5 It ses un mago :) 6 Kurów 7 Ivrèja o Invrèja ??? 8 Ji nòm 9 Provincia ëd ??? 10 Ji nòm (torna...) 11 Verbania o Verbània ??? 12 Aosta o Osta ??? 13 Linee Guida 14 Hasta Pompeia 15 Véneto 16 Region e sità 17 Design 18 Doi pagine da scancelé! 19 Lenghe 20 Doi vos da gavé 21 Àutre Lenghe 22 Articol 23 N'àutra vos da gavé 24 Bot (abreviassion ëd (wikiro)bot)

[modìfica] Bin avnù ant la wiki piemontèisa!

Qualsëssìa ròba ò anformassion che a-j fasèissa da manca, che as fasa pura gnun problema a contaté j'aministrator, che i soma ambelessì a pòsta :) Mersì e bon travaj! --Bèrto 'd Sèra 01:10, 18 Luj 2006 (UTC)

[modìfica] Nòm an piemontèis

Bondì, e antant mersì a chiel për soa colaborassion! Për lòn che a toca ij nòm: për adess i soma ant un moment sperimental, peuj na vira che i tocoma le 10-15 person-e ative i ciameroma na prima votassion ëd conferma e/ò ëd modìfica dle polìtiche redassionaj (che per la pì part a son deliberà da votassion dj'utent ativ). L'idèja për adess a l'é cola dë dovré tute e doe le forme an contemporanea për tense tuti j'uss doèrt, spitand che a-i riva ël moment che i pijeroma na decision finitiva. I stoma butand dle rediression, an manera che un a peula sërchè tant ël nòm an italian che col an piemontèis. A l'é un problema che a toca ëdcò ij topònim, përchè a son pa pì tanti coj che a san coma as ciamo ij pais an piemontèis, gavà ël sò e miraco dontre ëd coj pì davsin. E belavans con ël sistema idrogràfich e le montagne i soma butà fin-a pess. Con ij nòm ëd person-a la gran-a adissional a l'é che a-i é gnun-a sorgiss pùblica che as peula dovresse për ël control dla version original dël nòm. D'acòrdi con j'àutre edission an lenghe locaj i speroma dë rivé un dì ò l'àutr a podej digitalisé ij vej document anagràfich e literari, che a peulo dene na prima base për na compilassion acetabila dla base dat dij nòm e topònim. Ma belavans sòn as podrà nen fesse tant ampressa. --Bèrto 'd Sèra 08:48, 22 Luj 2006 (UTC)

[modìfica] Convension wiki ant sij nòm dle biografìe

Bondì, Andrea.gf a l'ha lassame ës messagi-sì, i-j lo còpio ambelessì sota, che a l'é l'utent pì ativ ant sle biografìe --Bèrto 'd Sèra 03:33, 28 Luj 2006 (UTC)

Cerea Bèrto, scusme se i l'hai modificà i tìtol dle vos che t'lavìe fait ti. Ansima a Wikipedia a venta scrive prima ël nòm e peui ël cognòm. Se it l'has damanca ëd buté le biografìe an ordin alfabetìch, it peuli fé parèj (esempi): [[Categorìa:Matemàtich alman|Euler, Leonhard]]. Ciao, Andrea.gf 19:18, 27 Luj 2006 (UTC)

Mersì dj'anformassion. I l'avia ël crussi dl'órdin alfabétich e i savìa nen coma fé. -- Borichèt --

[modìfica] Nòmina a Aministrator

Bondì! I s-ciàiro con gran piasì che chiel as la gava giumaj da pocio. Donca i chërdo da feje bin a tuta la comun-a dand-je la qualìfica d'aministrator. Sòn a veul dì che as treuva an condission dë fé dj'operassion particolar, coma pr'esempi protege dle pàgine e travajé ansema a cole protete (pr'esempi intrada). A l'é un cit moment ëstòrich për la wiki piemontèisa, përchè chiel a l'é ël prim aministrator nà da la comun-a dj'utent, e nen da l'organisassion che a l'ha anandià la publicassion. Donca ancora mersì për sò travajon e tanti compliment! --Bèrto 'd Sèra 16:55, 30 Aos 2006 (UTC)

Mersì a vojàotri, dzortut d'avèj anandià e 'd soagné ës progèt fiamengh.

-- Borichèt

[modìfica] It ses un mago :)

Contacc che travajon! tut bin fàit :) Për le question filològiche (comun-a / comun) e via fòrt i chërdo che ant l'avnì is butroma a parlene ant la piòla, andóa che miraco a l'é pì belfé che la gent a lesa... mach che i son pro malciapà con ël travaj e i la fom nen a felo bele dlongh. La sman-a che a-i ven i vardereu dë deurbe na session a pòsta :) --Bèrto 'd Sèra 15:40, 6 Ste 2006 (UTC)

Gnun problema, pij-te tò temp. Ëdcò mè temp lìber a së strenzrà ant le sman-e ch'a ven-o. I l'hai signalà l'osservassion përchè an parland-ne ansema as riessa a trovesse ël lengage ch'a mérita pr'ës progèt - che bele che popolar a resta n'euvra literarìa. --Borichèt--

[modìfica] Kurów

Could you please write a stub about Kurów - just a few sentences based on http://en.wikipedia.org/wiki/Kur%C3%B3w or IT wiki? Only 2-5 sentences enough. Please. Pietras1988 12:47, 30 Ste 2006 (UTC)

[modìfica] Ivrèja o Invrèja ???

Bòrichet, per piasì, va' a lesi Discussion:Ivrèja ! Merci e bon an neu! --Gian- 01:23, 31 Dze 2006 (UTC)

[modìfica] Ji nòm

Cerea, Borichet e grassie për tò mëssagi! Mi a-penso ch'a venta buté sèmper ël nòm anàgrafich, col ch'a l'é scrit dzora ij papé, con dij ecession: re, papa e soa companìa. Mi a l'hai scrit: "Granduca Enrich del Lussemborgh" (Pàgina: Lussemborgh); n'àutr a l'ha scrit "Granduca Henri" (Pàgina: Monede Euro...). Chi a l'ha rason? Mi a l'hai ëdcò scrit "Re Gioan Carl ëd Spagna", ma chërdo ch'a sia mej "Juan Carlos" (an Italian as dis nen "Giovanni Carlo"!). Cò' 't na pense? Sicura a l'é na gavada scrive "Giòrg Napolitan", come a l'ha scrit quaicadun! Faà di Bruno: mi a l'hai tramudalu 1) përchè a-l'era ntla categorìa dij matemàtich, andoa tuti a-l'han ël nòm anàgrafich; 2) përchè "Faà di Bruno" a-l'era ël cognòm scrit dzora ij so papé. --Gian- 18:36, 12 Gen 2007 (UTC)

[modìfica] Provincia ëd ???

Domanda da sent milion! A manca la pagina dla provincia ëd Verbania; mach ch'al nòm giust a l'é: "Verbanio-Cusio-Ossola". Coma as tramuda an Piemontèis? Grassie (e scu-me për tuti ij boro ch'a fas an piemontèis!) --Gian- 18:36, 12 Gen 2007 (UTC)

[modìfica] Ji nòm (torna...)

Grassie për toa rispòsta. A son 99% d'acòrdi con ti! [A savja nen che Dante as ciamava Durante!!!. Ma dël 1300 a j'ero nen ij papé d'identità!]. Pròpi adess a-l'hai scrit a Ciaciarade:Bertulot. Daje n'uciada!
"Provincia/provinsa". Mi ëdcò a-scriverìa "provinsa", ma ël dissionari ([1] a l'ha tuti dui. Vendarìa tramudé tute le vos ëd Wikimedia con "provincia"... Ciao! --Gian- 13:02, 13 Gen 2007 (UTC)

[modìfica] Verbania o Verbània ???

Cerea! L'hai fait la pàgina dla Provincia dël Verban-Cusio-Òssola. Sò cap-leugh a l'é Verbania o Verbània? --Gian- 23:39, 14 Gen 2007 (UTC)

A dovrìa esse Verbania: për le paròle ch'a finisso an ia o ua as marca l'acent s'a l'é an sla i o an sla u. Esempi: Verbania / lëssìa -- Borichèt

Grassie! --Gian- 17:16, 15 Gen 2007 (UTC)

[modìfica] Aosta o Osta ???

At ciamo scusa: a l'hai torna un problema con Bertulot, ch'a l'ha tramudà Aosta con Osta. Për piasì, va a lese Ciaciarade:Bertulot. Bertulot a l'ha ëdcò scrit na vos neuva Val d'Osta, e a l'é evident che niuna anliura a va bin: a van tute a Val d'Aosta! Mi l'hai nen tramuda-jla për esse coret (mi...). Venda ch'a ti at piji na decision! Grassie e ciau! --Gian- 23:01, 15 Gen 2007 (UTC)

[modìfica] Linee Guida

Cerea, mi i son Bertulot. Mi i l'ahi ancaminà a scrive ant la Wikipedia piemontèis mach doe sman-e passà. Mi i l'hai problem con ij nom, përchè i scrivo un nom, ma àutri lo srivo in ën aùtra manera. I cred noi dovoma scrive linee guida su la grafìa.

[modìfica] Hasta Pompeia

Cerea, Borichèt!
Ancheuj a l'é surtìa una neuva vos, Hasta Pompeia. A son mach 3 linie e mesa, con dij boro ëd stòria (Ast a l'é staita fondà dij Liguri, nen dij Roman!). A l'hai anfilà ël test a la vos Ast (Stòria). Mi adess a scancelerìa la vos Hasta Pompeia; mach ch'a sai nen coma fé e se a peus felo.
To avis? --Gian- 22:33, 24 Gen 2007 (UTC)

Fàit, mersì. -- Borichèt

[modìfica] Véneto

Mersi per Hasta Pompeia.
Për piasì, scancel-a ëdcò Figura:Veneto-Bandiera.png. A fonsionava nen e a l'hai butà n'àutra figura (Figura:Véneto Drapò.png). Adess a marcia bin! --Gian- 21:14, 25 Gen 2007 (UTC)

I sai pà coma fé pr'ëscancelela; peu desse che Dragonòt o Bèrto 'd Sèra a na sapio 'd pì. D'àutra part a dà gnun fastudi. -- Borichèt

A venta andé a la Galerìa andova che un as deurb la figura ch'a veul gavé e peuj a fa scanc. Mi però sta figura da gavé i la s-ciàiro pa. I seve sigur ch'a sia cariasse? --Bèrto 'd Sèra 14:56, 5 Fër 2007 (UTC)

[modìfica] Region e sità

Problemin cit-cit (???). A l'hai ancaminà a completé le vos dle region ch'a fa Bertolòt. Mach ch'a sai nen ij nom dle sità an Piemontèis. Për la Toscan-a a savìa Firense e Aress, a son rangiame con Livorn (???). Ma Pistoia, Grosseto ..., come as tramudo? Istess për Véneto, Basilicà, Pulia (ma as dis pròpi "Pulia"?). Për piasì, pens-je ti! --Gian- 21:14, 25 Gen 2007 (UTC)

I l'hai fàit ëd cite modìfiche an dovrand cost prinsipi: s'a-i é na forma ch'a son-a natural an piemontèis i l'hai dovrala; dësnò i l'hai lassà la forma original (che për la Toscan-a a dovrìa esse l'italian!). Daje n'ociada si l'arzultà at convincc. Për la Pulia: s'im viso bin, cost a l'é 'l nòm sugerì da Il piemontese in tasca, ma i devo controlé ch'i-l l'hai nen sot-euj. An piemontèis ël son gl a-i é pà e costa a l'é na manera ëd giré ij nòm (l'àutra, Puja, i l'hai mai sentula a am pias ancor ëd meno). -- Borichèt

Da 'nt ël latin Apulia i dirìa Pulia. Ò miraco l'Apulia, mach che peuj coma fé con j'apulièis, cand i l'oma sempe ciamaje tuti ij pulièis? :) --Bèrto 'd Sèra 14:47, 5 Fër 2007 (UTC)

I l'hai controla ëdcò ansima a Il piemontese in tasca e a sugeriss Pulia. Ës manual a l'é 'd sigura pà normativ ma a l'é assè bin fàit e rasonà. -- Borichèt

[modìfica] Design

Cerea, mi vorìa cambié design an desàin. Ën poc coma Lichtenstein a l'é divnù Lichtenstàin. Ma i sei nen cosa fé con tute ste piemontesisassion sì.--Bertulot 21:20, 5 Fër 2007 (UTC)

"Design" a l'é na paròla anglèisa: as peul nen tramudela en "desaign"! Scrivoma, anlura, ëdcò "còmpiotar", "òstës", "ragbi", scotoma i "Bitëls" e foma rije ij babi... Ëdcò "Lichtenstàin" a-m smija na folairà; en tute le àutre lenghe a l'é sempèr "Liechtenstein" (nen Lichtenstein!). Istess për le vos ch'a son sortije ancheuj "Neuva York" e "Neuv Hampshire" (mes inglèis e mes piemontèis!) :-(( --Gian- 22:15, 4 Fër 2007 (UTC)

Mi i son pì d'acorde con Gian-. I pudoma serne ëd fé na tradussion an piemontèis o ëd ten-e la paròla forostera (ant ës cas sì anglèisa), ma a-i é gnun sust ant ël ten-e na paròla foresta an ëscrivend-la 'me ch'a fussa an piemontèis (an 'dzorpì che peuj soens la trascrission a l'ha pà la midema përnonsia: Bàmas a l'ha pà 'l midem son che Bahamas, nì Aiti a l'é l'istess che Haiti, ancor meno design). Donca dovroma design o (për esempi) progetassion gràfica (e mincadun a peul serne lòn ch'a preferiss) ma - scond mi - pà desàin. Istess për computer o ordinator. Për ij pais i l'hai già fortì lòn ch'i penso: Lichtenstein a dovrìa resté Lichtenstein. Ansima a Neuva York e Neuv Hampshire as podrìa dëscute, ma a më smija che ant le lenghe moderne a resto New e mi i farìa l'istess. D'àutra part Neuv Méssich am dà gnun fastudi. Miraco ëd tansantan as peul dé n'ociada a lòn ch'as fa an fransèis, anté che a dësfendo soa lenga ma con bon sens. -- Borichèt

[modìfica] Doi pagine da scancelé!

A-i sarìo doi pagine da scancele. Ant l'ìmpit ëd contribuì a la scritura dla Wiki, tant mi che "Stevo" i l'oma scrit indipendentement na vos an sl'istess argoment. A andarìo scancelà le vos:

• "Espírito Santo" (stat federal dël Brasil) përché l'acsan a l'é nen col pì dovrà an piemontèis (cò se tute le Wikipedie dël mond a lo dòvro da bin për cola vos)
• "Distret Federal (Brasil)" o "Distret Federal dël Brasil" (nen tute e doi!) përché a son dobie.

Mersì! --Lissander 18:20, 6 Fër 2007 (UTC)

[modìfica] Lenghe

Ciàu Borichèt, arspòste a le custion ch'it l'has lassame:
1. Agetiv regionaj: scusa, i l'avìa dësmentià la custion ansima a Lenga ligure. I son d'acòrdi sia për lìgur che për furlan: al feminin foma Lenga ligura? Arcordomse 'dcò che Berto a l'ha dovrà ligurin për j'antich Ligur.
2. Lenghe e dialet: a l'é mach na stòria italian-a. Dzora a la Wiki-IT i l'oma fàit na dura bataja për podèj ciamé "LENGHE" cole che a l'han ël còdes ISO 639-3. Se a-i fussa ël problema, si i podrìo fé l'istess: mi i son an mentre che elenco le lenghe arconossùe da la Certification Autority dl'ISO 639-3.
It l'has fàit bin a segnaleme ij dubi an sël galurèis: cheich vòte a fa bin fërmesse e pensé. I son andàit a vëdde ël lìber ëd C. Tagliavini "Le origini delle lingue neolatine" e a l'é pròpi alineà a l'ISO: a elenca për ël sardagneul 4 lenghe: sassarèis, galurèis, logudorèis e campidanèis (a l'é vera che a publica na cartin-a ëd C. Merlo, che a l'avìa anventà i "dialetti sardo-corsi"). Mi i son dëstacame da l'ISO për l'Istriot (i l'heu butalo ant ël Cisalpin) e për ël Còrs (che i l'heu butà ant le lenghe italian-e = toscan-e). -- Dragonòt

> Ancor na chestion: sarij-lo nen mèj cambié ël tìtol dla vos grech an grech antich (përchè ch'as confonda nen con la lenga greca moderna)? -- Borichèt

Bele fait!

Dragonòt 13:21, 15 Mar 2007 (UTC)

[modìfica] Doi vos da gavé

Cerea, Borichèt!
A l'hai fait un cicinin ëd paciòch :-( e adess a-i son doi vos da scancelé:
1) "Categòria:Comun dla provincia ëd Verbania" (a l'hai fait na vos neuva: "Categòria:Comun dla provincia dël Verban-Cusio-Òssola")
2) "Comun dla provincia ëd Verbania" (a l'hai fait un boro: a l'avìa dësmentià 'd scrive "Categorìa")
Merci! --Gian- 17:27, 28 Fër 2007 (UTC)

I riesso nen a trové se doe vos: 't ses sigur d'aveje salvà? -- Borichèt

Dui cit boro...

1) L'avia botà l'acent dzura la "o". La vos a l'é: Categorìa:Comun dla provincia ëd Verbania
2) La vos da gavé as ciama: Comun dla provincia dël Verban-Cusio-Òssola
Scus-me! --Gian- 20:49, 28 Fër 2007 (UTC)

Gavà! -- Borichèt

[modìfica] Àutre Lenghe

Cerea, I hai vëddù ch'a son quàiche vos con na grija con le version dël nòm in àutre lenghe. I chërdo ch'a va eliminà përché a-i é già satì la session di wikipedia a snistra con la àutre lenghe. E pòi, ant l'àutre wikipedia a-i é mia na grija con le version dël nòm dë n'erbo o ëd n'àutra ròba qualsëssia. va bin se 'l nòm a l'é ël nòm d'ën pòst strangé e alora as scriv la version dël nòm an lenga local, o se as scriv ël nòm latin ëd na bescia, ma a l'é ëd tròp scrive ëdcò com'as dis an tute l'àutre lenghe. --Bertulot 23:22, 9 Mar 2007 (UTC)

I son d'autut d'acòrd con ti: a sarìa mej gaveje. Për felo pì con bel deuit, preuva prima a ciameje a chi ch'a l'ha butaje, peul desse ch'a-i fussa na rason che, ant ës moment-sì, mi i s-ciàiro nen.

I na profito për na cita armarca: i l'hai vist ch'it deuvre ën tanme artìcol indeterminativ singolar masculin. A va pì che bin, ma it peule ëdcò scrive un: a l'é un-a dle pòche ecession ant la grafìa piemontèisa, s'a l'é artìcol as les ën, a la fransèisa (nopà che, cand ch'a l'é përnòm, as les un). -- Borichèt

[modìfica] Articol

Grassie për i consej adess sarà tant mej e i dovrai nen andé sèmper ant le létere piemontèis e a sarà pì ràpid.

[modìfica] N'àutra vos da gavé

Për piasì, Borichèt, gava la vos Categòria:Polònia. A l'hai fait ën boro: a l'hai scrit Categòria con l'acent dzora la "o". Adess a l'hai fait la vos Categorìa:Polònia (con l'acent al pòst giust!), ma vend-a gavé la vos sbalià. Mersì! --Gian- 00:19, 17 Mar 2007 (UTC)

[modìfica] Bot (abreviassion ëd (wikiro)bot)

Ciàu, i seu nen se voi i dòvre già ij bot. Ant la Wikipedia:Piòla i l'heu ancaminà na discussion ansima aj bot. I podoma parlene tùit ansema për scambiesse le esperiense. -- Dragonòt 13:19, 23 Mar 2007 (UTC)

Nò, i l'hai mai dovraje e i sai gnanca pà bin 'me ch'a marcio. -- Borichèt

Mi i l'heu mach provà a dovré "pagefromfile" che a caria an automàtich le pàgine. I l'heu vëddù che dzora a àutre Wiki a-j dòvro për fé dle coression, për esempi për coregi l'italian "perchè" (an "perché"). Miraco noi i podrìo dovrelo për coregi "l'è" an "l'é". -- Dragonòt 11:46, 28 Mar 2007 (UTC)

An efet a përmetrìa ëd risparmié 'd travaj. Mi però i l'hai pà tanta fiusa ant ij coretor automàtich, che peuj at fan le coression ëdcò andoa it veule nen. -- Borichèt