Aletsch
From Wikipedia
Il Glatscher grond dal Aletsch è il pli grond ed il pli lung glatscher da las alps. El sa chatta en il chantun Vallais en la Svizra. El è lung 23.6 kilometers (2002), cuvrescha ina surfatsch da 117.6 kilometers quadrats e consista da radund 27 milliardas tonnas glatsch. El ha sia entschatta en la regiun da la Jungfrau. En ses pli gross lieu è il glatsch ver 900 meters aut. L'onn 1870 era il glatscher grond dal Aletsch anc 2.5 km pli lung. Ils 13. da december 2001 è el vegnì pri si tranter las iertas natiralas da l'umanitad da l'UNESCO.
