Ditët e Naimit
Nga Wikipedia, Enciklopedia e Lirë
Ditët e Naimit është një Festival Ndërkombëtar i Poezizë që mbahet në Tetovë , Maqedoni. Në festivalin që mbanë emrin e poetit kombëtarë shqiptar Naim Frashëri paraqiten me punimet e tyre poet të ndryshem nga gjitha vendet e botës.
Juria e festivalit përbëhet nga kritikët letrarë të vendeve të ndryshme dhe për pjesëmarrësit e festivalit ndanë në orën e madhe letrare "Meridiane poetike" ndanë këto shpërblime:
- Çmimi letrar "Naim Frashëri"
- Çmimit letrar "Menada"
- Çmimi letrar "Oeneumi"
- Çmimi "Qiriu i Naimit"
Po ashtu nga ana e jurisë shpallen edhe pjesëmarrësit "Anëtar Nderi"
[redaktoni] Edicioni i IX
Edicioni i IX është është mbajtur më 20-23 tetor 2005 në Tetovë, Maqedoni. Hapja e tij është bërë me vendosjen e luleve në shtatoren e Naim Frashërit e cila gjendet para Qendrës Kulturore të Tetovës nga ana e laureatit të Edicionit të nëntë Thomas Tidholm dhe drejtorit të Festivalit, Shaip Emërllahu. Pas këtij akti u fishekzjarret dhe flakadanët çelën siparin e festivalit dhe në foajenë e Qendrës kulturore u hap ekspozita e artit pamor me piktura të artistëve shqiptarë nga Maqedonia dhe Shqipëria me titull "Pelikani". Festivalin e ka mbështetur Ministria e Kulturës, Komuna e Zhelinës, Posta e Maqedonisë, hotel "Liraku" dhe ferma "Vezë Sharri" . Skenën e ka regatitur piktori Savash Veliu, ndërsa e ka realizuar firma "EuroGips" nga Uzurmishti. Ky edicion është transmetuar dretprndrejt në TVM-Programi në gjuhë shqipe.
Në orën e madhe letrare "Meridiane poetike" janë ndarë çmimet letrare të festivalit dhe janë shpallur Anëtarët e Nderit. Juria e përbërë nga poeti irlandez Desmond Egan, kritikja Moon Choung Hee nga Koreja Jugore dhe kritiku Ahmet Selmani kan vendosur që çmimi letrar "Naim Frashëri" t'i jepet poetit suedez Thomas Tidholm. Fitues i çmimit letrar "Menada" është shpallë poetja palestineze Nathalie Handal, çmimi letrar "Oeneumi" iu dha poetit Drago Shtambuk nga Kroacia, kurse çmimi "Qiriu i Naimit" iu nda poetit arbëresh Mario Bellici nga Italia. Ndërkaq, përveç laureatit Thomas Tidholm, Anëtarë Nderi të festivalit u shpallën edhe poetët Erik Stinus nga Danimarka, Visar Zhiti nga Shqipëria dhe poetja Martha Canfield Uruguaj.
Në kuadër të programit të festivalit janë promovuar edhe librat me poezi "Edhe lakuriqët janë zogj të atdheut të pakënduar" të poetit kroat Drago Shatmbuk dhe "Muri i gjallë" i poetit Ahmet Selmani. Për këto libra kanë folur kritiku Xhelal Zejneli dhe poeti Visar Zhiti.
Gjithënjë në kuadër të programit poetët kanë vizituar Arabati Baba Teqe dhe objektin e Xhamisë së Larme në Tetovë.
Në këtë edicion si më parë është botuar antologjia e poetëve pjesëmarrës. Kësaj rradhe atë e ka paraqitur Ahmet Selmani dhe Shaip Emërllahu, ndërsa shqiptimin e saj e ka bërë Silke Liria Blumbach me titull "Kur të digjem".
