Kristo Frashëri
Nga Wikipedia, Enciklopedia e Lirë
Kristo Frashëri lindi më ( ? ) në ( ? ), Shqipëri, është një historian shqipëtar.
Pas një karriere të gjatë dhe kur mbi supe mban 85 vite, vlerësohet për punën e tij. Ministria e Turizmit, Kulturës, Rinisë dhe Sporteve, si dhe Muzeu Historik Kombëtar, në kuadrin e 600- vjetorit të lindjes së Heroit tonë Kombëtar, Skënderbeut, i kanë akorduar një “Diplomë nderi” historianit Kristo Frashëri. Kjo diplomë i është dhënë për kontributin që ai i ka dhënë historisë shqiptare, por, mbi të gjitha, epokës dhe figurës së Gjergj Kastriotit. Ceremonia e dorëzimit të kësaj diplome u zhvillua në pavijonin e Mesjetës, në MHK ku ndodhet edhe një shtatore e heroit. Ishte drejtori i MHK-së, Moikom Zeqo, që ka propozuar pranë Ministrisë së Turizmit dhënien e kësaj diplome, në të cilën ai konsiderohej si një nga “skënderbeologët” më të rëndësishëm, që ka dhënë një ndihmesë të madhe për zbardhjen e figurës së Skënderbeut. Kristo Frashëri është një nga historianët më të rëndësishëm shqiptarë, i cili i ka kushtuar disa vepra Skënderbeut. Të parin botim, në një vëllim modest, Frashëri e ka nxjerrë në 1958, për të vijuar me të tjera botime më të plota me dokumente e dëshmi. Më e fundit është vepra e botuar në 2003, një punë 50- vjeçare, monografia “Skënderbeu” dhe këto ditë nëntori, gjatë Panairit të tetë të Librit “Tirana 2005” ka publikuar vëllimin e parë të librit “Skënderbeu dhe lufta shqiptaro-turke në shek. XV”, botime “Toena”. Për realizimin e këtij libri ai ka shfrytëzuar një material të pasur, të grumbulluar në arkiva të ndryshme në Itali e më gjerë. Disa syresh janë letërkëmbime të vetë Skënderbeut me prijës të shek. XV, ndërsa të tjerat dorëshkrime të bashkëkohësve të tij. Ndryshe nga të gjithë historianët dhe studiuesit që kanë shkruar për Skënderbeun, Frashëri i ka devijuar dëshmive që sjell Marin Barleti në librat e tij, duke u shprehur se në to ka entusiazëm të tepruar. Siç është shprehur vetë Frashëri, ai ka edhe shumë materiale të tjera që presin dritën e botimit. [1]
