கென்சிங்டன் ஓவல் அரங்கம்

கட்டற்ற கலைக்களஞ்சியமான விக்கிபீடியாவில் இருந்து.

கென்சிங்டன் ஓவல் மைதானம் தலைநகர் பிரிஜ்டவுனுக்கு மேற்கில் பார்படோசு தீவில் அமைந்துள்ளது. இத்தீவின் விளியாட்டு மையமான இம்மைதானம் துடுப்பாட்டத்துக்கு முக்கிய இடம் அளிக்கிறது. இம்மைதானம் உள்ளூர் துடுப்பாட்டத்துக்கு முக்கிய மையமாதலால் "துடுப்பாட்டத்தின் மக்கா" என இது உள்ளூர்வாசிகளால் அழைக்கப்படுகிறது. இதன் 120 வருட வரலாற்றில் உள்ளூர், பன்னாட்டு துடுப்பாட்ட போடிகளையும் நடத்தியுள்ளது. பிக்விக் துடுப்பாட்ட கழகம் 1895 இல் ஓவல் மைதானத்தை தனதாக்கியதோடு ஓவல் மைதானத்தில் துடுப்பாட்டம் அராம்பமானது.1895 இல் முதல் பன்னாட்டு துடுப்பாட்டப் போட்டி இங்கு நடைப்பெற்றது. 1930 இல் இம்மைதானத்தின் முதல் பன்னாட்டு தேர்வு துடுப்பாட்டப் போட்டி மேற்கிந்தியத்தீவுகளுக்கும் இங்கிலாந்துக்குமிடயே நடைப்பெற்றது. தொடக்கம் முதல் இது வரை 43 தேர்வு துடுப்பாட்ட போட்டிகள் கென்சிங்டன் மைதானத்தில் நடைபெற்றுள்ளதோடு அவற்றில் 21 மேற்கிந்தியத்தீவுகள் அணியால் வெற்றிக்கொள்ளப்பட்டுள்ளன.

கென்சிங்டன் மைதானத்தின் பாரிய பார்வையாளர் அரங்குகள் 2007 உலகக்கிண்ணப் போட்டிகளுக்காக மீள்நிர்மானிக்கப்பட்டவையாகும். மீள் நிர்மானத்துக்குப்பிறகு மைதானம் 28,000 பார்வையாளர்களுக்கான வசதிகளைக் கொண்டிருக்கும். மேலும் இது 2007 உலகக்கிண்ணப் போட்டிகளின் இறுதி போடி இம்மைதானதிலேயே நடைப்பெறும். கென்சிங்டன் மைதானம் துடுப்பாட்டம் தவிர்ந்த கால்பந்து, ஒக்கி, தடகளப் போடிகள், பார்படோஸ் அழகுராணிப்போட்டி போன்றவற்றையும் நடத்தியயுள்ளது. மைதானத்தில் பாரிய தொலைக்காட்சி யொன்று காணப்படுவதோடு, நீச்சல் குளத்தில் இருந்தவாறு போட்டிகளை கண்டுகளிக்கும் வசதிக் கொண்ட பார்வையாளர் அரகொன்றும் உள்ளது.