Biñan, Laguna

Mula sa Tagalog Wikipedia, ang malayang ensiklopedya.

Bayan ng Biñan

Lokasyon
Mapa ng Laguna na nagpapakita ng lokasyon ng Biñan.
Pamahalaan
Rehiyon	CALABARZON (Region IV-A)
Lalawigan	Laguna
Distrito	Ika-1 na Distrito ng Laguna
Mga barangay	24
Kaurian ng kita:	Ika-1 Klase
Alkalde
Mga pisikal na katangian
Populasyon      Kabuuan (2000)	201,186

Ang Bayan ng Biñán ay isang ika-1 klaseng bayan sa lalawigan ng Laguna, Pilipinas. Mula sa Kalakhang Maynila, ang Biñan ay mararating sa pamamagitan ng South Luzon Expressway. Ang Biñan ay naging parehong pamayanang urban ng Kalakhang Maynila at ang lugar ng pinakamamalaking industiya at isang export processing zone sa Pilipinas. Ayon sa senso noong 2000, mayroon itong populasyon 201,186 sa 42,307 kabahayan.

Ang Biñan ay ang ikalawang bayan na madadaanan mula sa Kalakhang Maynila patungong Timog. Ang bayan ng Biñas ay kasama sa tatlong bumubuo sa unang distrito ng Laguna.

Mga nilalaman 1 Mga Barangay 2 Kasaysayan 3 Ekonomiya 4 Edukasyon 5 Mga Kawing Panlabas

[baguhin] Mga Barangay

Ang bayan ng Biñan ay nahahati sa 24 na mga barangay.

Biñan (Poblacion) Bungahan Santo Tomas (Calabuso) Canlalay Casile De La Paz Ganado San Francisco (Halang) Langkiwa Loma Malaban Malamig

Mampalasan Platero Poblacion Santo Niño San Antonio San Jose San Vicente Soro-soro Santo Domingo Timbao Tubigan Zapote

[baguhin] Kasaysayan

Ang pangalang ng bayan ay pinaniniwalaang nagmula sa salitang "binyagan". Natuklasan ng mga Kastila ang Biñan noong huling bahagi ng Hunyo 1571, isang buwan pagkatapos itatag ni Miguel Lopez de Legazpi ang Maynila ayon sa mga matatandang kasulatan.

Noong 1769, ang kabiserang panlalawigan ay inilipat mula Bay patungong Pagsanjan, ang Biñan ay inihiwalay sa Bay at naging bahagi ng Santa Rosa. Noong 1771, noong panahon ni Pablo Faustino, ang Biñan ay inihiwalay mula sa Santa Rosa at naging isang bayan.

Ayon sa kasaysayan, ang Biñan ay kilala sa buong bansa dahil sa pagkakasali nito sa aklat ng talambuhay ni José Rizal, ang pambansang bayani. Sinasabi na tumira si Jose Rizal malapit sa mismong bayan noong kabataan pa niya at nakapag-aral sa isang paaralang matatagpuan dito. Ang pangalan ng paaralan na pinasukan ni Jose ay hindi alam. Sa pag-alala kay Jose Rizal, isang plake ng pagkilala ang inilagay kung saan siya nanatili. Isang monumento naman ang itinayo sa gitna ng plaza ng Biñan, para ipaalala na minsan ay naging bahagi ng bayan ang pambansang bayani.

[baguhin] Ekonomiya

Ang Biñan ay kilalang sentro ng kalakalan sa mga kalapit nitong mga bayan sa katimugan tulad ng mga bayan ng San Pedro, Santa Rosa, Carmona, Silang at Heneral Mariano Alvarez. Kadalasan ang mga tindero sa mga palengke ng bayang kalapit nito ay dumadayo dito upang bumili ng kanilang paninda.

Isang pangkaraniwan na tanawin dito ay ang nga naghahanda at nag-aayos ng mga patinda sa kanila kanilang mga pwesto, ang iba pa nga ay sa mga kalsada at eskinita pa nagtitinda, isa pa ay ang pagdating ng mga dyip at trak na may dala-dalang iba't ibang uri ng prutas, gulay, mga produktong gawa sa mantikilya, karne, isda, asukal atbp. Ang palengke ng Biñan ay halos bukas 24 oras na ang oras nagdagsaan ay tuwing umaga (5:00 - 8:00 NU) dahil kilala ang mga Filipino na maaga nagsisimulang maghanapbuhay pagkat nais nilang iwasan ang matinding sikat ng araw sa tanghali.

Kilala rin ang bayan na sa paggawa ng mga masasarap na kakanin na may mga sahog sa ibabaw nito (Puto Biñan). Ang pinakakilalang gumagawa ng Puto sa Biñan ay matatagpuan sa barangay San Vicente.

[baguhin] Edukasyon

Ang Biñan ay kinikilala na ring sentro ng edukasyon sa unang distrito ng Laguna, dahil ito ang may pinakamaraming bilang ng mataas at mababang paaralan sa lugar. Ang mga kilalang mga paaralan na matatagpuan sa bayan ay ang sumusunod:

• • Brent International School
  • Colegio San Agustin, Biñan
  • University of Perpetual Help Biñan

[baguhin] Mga Kawing Panlabas

• Philippine Standard Geographic Code
• 2000 Philippine Census Information

Coordinates: 14°20′ N 121°05′ E