اودھ پنچ

وکیپیڈیا سے

مزاحیہ ہفت روزہ منشی سجاد حسین نے 1877ء میں لکھنو سے جاری کیا۔ یہ اخبار سیاست کو ظرافت کا جامہ پہنا کر پیش کرتا تھا۔ مرزا محمد مرتضے عرف مچھو بیگ عاشق ۔ جن کا قلمی نام ستم ظریف تھا۔ 33 برس تک اس میں مزاحیہ مضامین لکھتے رہے۔ نواب سید محمد آزاد ، اکبرالہ آبادی پنڈت تربھون ناتھ، منشی جوالا پرشاد برق ، منشی احمد علی شوق ، منشی احمد علی کسمنڈوی جیسے اہل قلم ادارہ تحریر سے منسلک رہے۔ یہ اخبار ہندو مسلم اتحاد اور انڈین نیشنل کانگرس کا مؤید تھا۔ مغربی تہذیب کا مخالف اور مشرقی اقدار کا علمبردار تھا۔ مزاحیہ کارٹون اور نظمیں کثرت سے شائع ہوتی تھیں۔