رجب علی بیگ سرور
وکیپیڈیا سے
مرزا رجب علی بیگ سرور دبستان لکھنو کے سب سے اہم نثر نگار ہیں۔ وہ 1782ء میں لکھنوء میں پیدا ہوئے۔ والد کا نام مرزا اصغر علی بیگ تھا۔ سرور کی تعلیم و تربیت لکھنو میں ہی ہوئی۔ وہ عربی فارسی کے عالم تھے اور اس زمانے کے مشہور خوش نویسوں میں شمار ہوتے تھے۔ شاعری اور موسیقی سے بھی دلچسپی تھی۔
کہا جاتا ہے کہ غازی الدین حیدر ناراض ہوگئے اور سرور کو حکماَ َ لکھنو چھوڑنا پڑا۔ لکھنو سے کان پور پہنچے۔ یہاں حکیم سید اسد علی سے ملاقات ہوئی۔ ان کے ایما پر فسانہ عجائب لکھنا شروع کی۔ کچھ عرصہ بعد لکھنوء آگئے اور 1846ء میں واجد علی شاہ کے دربار میں داخل ہوئے۔ 1857ء کے بعد آپ بنارس چلے گئے اور ایشری نرائن سنگھ مہاراجہ بنارس کی ملازمت اختیار کر لی۔ 1867 میں بنارس میں انتقال ہوا۔ مشہور تصانیف میں۔
١۔فسانہ عجائب
٢۔سرور سلطانی
٣۔شرر عشق
٤۔شگوفہء محبت
٥۔انشائے سرور
