ساختی وراثہ
وکیپیڈیا سے
ساختی وارثے جنکو انگریزی میں structural genes کہا جاتا ہے ایسے DNA کے متوالیے ہوتے ہیں جو کہ جو RNA کی تخلیق کیلیۓ سانچوں (templates) کے طور پر استعمال کیۓ جاتے ہیں۔ ان ساختی وراثوں کی طوالت بدائی المرکز خلیات میں 1000 زوج قواعد ہوتی ہے جبکہ حقیقی المرکز خلیات میں انکی طوالت 10000 ہزار زوج قواعد تک ہوسکتی ہے۔
- اوپر کے بیان میں ، زوج قاعدہ سے مراد base pair ہے جسکے ذکر کیلیۓ اسکا صفحہ مخصوص ہے۔ حقیقی اور بدائی المرکز خلیات کی وضاحت انکے روابط پر موجود ہے۔
چونکہ ساختی وراثے ، آراین اے کی تیاری میں استعمال ہوتے ہیں جیسا کہ اوپر ذکر کیا گیا ، لہذا یہ لحمیات کی تیاری میں بھی استعمال ہوتے ہیں کیونکہ RNA ہی لحمیات تیار کرتا ہے۔ ان وراثوں پر کچھ مقامات ایسے ہوتے ہیں کہ جہاں سے انکو منتظم یا قابو (کنٹرول) کیا جاتا ہے ان مقامات کو مشغل (operon) کہا جاتا ہے۔ خلیے میں چند خاص قسم کے لحمیات ایسی ہوتی ہیں جو کہ ان مشغل پر جڑسکتی ہیں اور اسطرح وہ یا انکے افعال کو تیز کرتی ہیں یا پھر ضرورت ہو تو آہستہ۔ ایسی لحمیات کو جو کہ مشغل کو کنٹرول کرتی ہیں تنظیمی لحمیات (regulatory proteins) کہا جاتا ہے، اگر یہ تنظیمی لحمیہ ، مشغل کے کام کو تیز کرے تو اسکو فعالی (activator) اور اگر سست کرے تو اسکو کاظمہ (repressor) کہا جاتا ہے۔
