مِعزاز
وکیپیڈیا سے
سالماتی حیاتیات و وراثیات میں معزاز (promoter) دراصل DNA کی زنجیر (gene) پر زبر بہاؤ (upstream) یعنی '5 سرے (5'end) کی جانب پایا جانے والا ایک ایسا حصہ یا مقام ہوتا ہے کہ جو انتساخ (transcription) کیلیۓ لازمی ہوتا ہے اور اسکے بغیر یا اس میں کسی خامی (طفرہ (mutation)) پیدا ہوجانے پر genes کو درست طور پر فعال نہیں کیا جاسکتا ، یا یوں کہـ سکتے ہیں کہ درست لحمیات (proteins) تیار نہیں کی جاسکتیں۔
فہرست |
[ترمیم] نام کی ماخوذیت
معزاز کا لفظ عزز سے بنا ہے جسکے معنی قوی ، ترویج ، پیش اور اعانت کے ہوتے ہیں اور یہی معنی سالماتی حیاتیات میں معزاز یعنی promoter کے بھی ہوتے ہیں یعنی اعانت کرنیوالا ، پیش رو اور تقویت دینے والا۔ یہ لفظ گو نیا اور اجنبی معلوم ہوتا ہے مگر صورتحال اسکے برعکس ہے ، عزز کے لفظ ہی سے ماخوذ ایک اور لفظ اردو میں عام اور روزمرہ استعمال میں بکثرت دیکھا جاسکتا ہے اور وہ لفظ معزز ہے۔ جس طرح معزز کا لفظ عزز کی ایک شکل ہے اسی طرح معزاز کا لفظ بھی عزز ہی کی ایک اور شکل ہے۔ جبکہ عزز ہی سے ماخوذ چند اور الفاظ بھی اردو میں آتے ہیں جیسے تعزز اور تعزیز وغیرہ۔
[ترمیم] ایک نظر
معزاز جیسا کہ اوپر کے بیان سے اندازہ ہوچکا ہوگا کہ اصل میں DNA ہی کے مخصوص مقامات کو کہا جاتا ہے ۔ ان مقامات یا معزاز کو انتساخی عوامل (transcription factors) شناخت کرسکتے ہیں اور پھر یہ (عوامل) ، آراین اے مکثور خامرے (RNA polymerase) کو بھی اس جانب مدعو کرلیتے ہیں یوں انتساخ کا عمل شروع کرنے کا باعث بنتے ہیں جسکے نتیجے میں mRNA کی نقل تیار کر لی جاتی ہے جو کہ بعد میں ترجمہ (translation) کے عمل کے دوران لحمیات کی تیاری میں استعمال ہوتی ہے۔
- بدائی المرکزوں (prokaryotes) میں یہ عمل نسبتا سادہ ہوتا ہے اور معزاز کی شناخت ، سگما عامل کے ساتھ منسلک ایک آراین اے مکثورخامرے سے کرلی جاتی ہے
- حقیقی المرکزوں (eukaryotes) میں یہ عمل خاصہ پیچیدہ ہوتا ہے اور آراین اے مکثور خامرے سے لیکر معزاز (DNA) کے مابین سلسلہ وار صورت میں کئی لحمیات اور عوامل (factors) متحرک ہوتے ہیں۔
[ترمیم] معزاز کے مقام کا تعین
عمومی طور پر ایک معزاز اس وراثے کے بالکل اوپر زبر بہاؤ پایا جاتا ہے جسکو وہ تضبیط کررہا ہو اور اس معزاز کے اندرونی مواقع (sites) اسی وراثے کی موقع آغازِ انتساخ (Transcription Start Site) کے لحاظ سے تصور کیۓ جاتے ہیں (گویا جہاں سے RNA کی ابتداء ہوتی ہو)۔ معزاز کے ان مقامات کو منفی اعداد سے ظاہر کیا جاتا ہے جو زبر بہاؤ پاۓ جاتے ہوں جبکہ ان مقامات کو جو کہ موقع آغازِ انتساخ سے شروع ہوکر زیر بہاؤ (downstream) کیجانب پاۓ جاتے ہوں ، مثبت اعداد میں ظاہر کیا جاتا ہے۔ مثال کے طور پر -100 کا مطلب ہوگا کہ 100 زوج قواعد اوپر یعنی زبربہاؤ کی جانب۔
[ترمیم] معزاز کے عناصر
- معزاز ایک پیچیدہ متوالیت رکھنے والا مقام ہے ، اسکا اھم ترین حصہ جو کہ انتساخ کے عمل کیلیۓ لازمی حیثیت رکھتا ہے لبابِ معزاز (core promoter) کہلایا جاتا ہے۔ اس لباب معزاز کہلاۓ جانے والے حصے میں مندرجہ ذیل عناصر کا ہونا ضروری ہوتا ہے۔
- موقع آغازِ انتساخ (Transcription Start Site) جسکا اختصار TSS کیا جاتا ہے
- تقریباً - 34 زوج قواعد زبربہاؤ کیجانب
- آراین اے مکثور خامرہ کیلیۓ بندھنی موقع (binding site)
- آراین اے مکثور خامرہ I: جو کہ rRNA کا انتساخ کرنے والے وراثوں کی تشفیر (encoding) کرتا ہے۔
- آراین اے مکثور خامرہ II: جو کہ mRNA کا انتساخ کرنے والے وراثوں کی تشفیر کرتا ہے۔
- آراین اے مکثور خامرہ III: جو کہ tRNA کا انتساخ کرنے والے وراثوں کی تشفیر کرتا ہے۔
[ترمیم] مزید دیکھیۓ
- میثائلیت (Methylation)
- ڈی این اے میثائلیت (DNA methylation)
- بالاوراثیات (Epigenetics)
- سرطان (Cancer)