P53 (وراثہ)

وکیپیڈیا سے

• اس مضمون میں ابہام سے بچنے کے لیۓ وراثہ (gene) اور لحمیہ (protein) کے الفاظ کو الگ رکھنا لازمی ہے کیونکہ p53 کا لفظ دونوں کے لیۓ استعمال ہوا ہے۔

p53 ایک ایسی gene یعنی وراثے کا نام ہے جو کہ جانداروں کے خلیات میں اسی p53 نام کا ایک لحمیہ (protein) تیار کرتا ہے جسے p53 (لحمیہ) کہتے ہیں اور یہ لحمیہ خلیات میں سرطان کی سرکوبی کرنے کا کام انجام دیتا ہے۔ اور اسی وجہ سے یہ لحمیہ p53 بنانے والی جین p53 کو سرطان کی سرکوبی کرنے والی جین کی حیثیت دی جاتی ہے۔ مجموعی طور پر یہ جین یا وراثہ خلیات کی بے قابو نشونما کو تضبیط (کنٹرول) کرتا ہے۔ یہ اھم ترین کام سرانجام دینے کے لیۓ p53 نامی یہ وراثہ یا جین ، apoptosis ، یا سادہ الفاظ میں برمجی خلیاتی موت (programmed cell death) جیسے mechanism کو استعمال کرتی ہے۔

فہرست 1 آسان خلاصہ 2 وجہ تسمیہ 2.1 دیگر نام 3 تاریخ 4 پی تریپن کے حیاتیاتی خواص 5 حوالہ جات 6 مزید دیکھیۓ

[ترمیم] آسان خلاصہ

آسان سے الفاظ میں پی تریپن کو یوں بیان کرسکتے ہیں کہ یہ ایک ایسا وراثہ یا جین ہوتی ہے کہ جو خلیات میں اسی نام کی ایک پروٹین (لحمیہ) p53 تیار کرتی ہے۔ اس پروٹین 53 کی سالماتی ساخت قدرت کی طرف سے ایسی بنائی گئی ہے کہ جو اسکو خلیات کے تعداد میں بڑھنے اور پھلنے پھولنے مقدار کو مناسب حد میں رکھنے یا کنٹرول کرنے کی صلاحیت عطا کرتی ہے۔ اگر خلیات کے پھلنے پھولنے کی مقدار کو کنٹرول نہ کیا جاۓ تو انکے بےلگام بڑھتے رہنے سے جسم میں ایک اور جسم (یعنی سرطان یا رسولی یا ورم) بننے کا اندیشہ ہوتا ہے۔

پی 53 جین سے بننے والا یہ پی 53 لحمیہ ، خاص طور پر ایسے خلیات کو پھلنے پھولنے سے روکتا ہے کہ جن کے DNA میں کوئی نقص یا کوئی ترمیم واقع ہوگئی ہو۔ کیوں کہ نقص والا ڈی این اے اکثر خلیات کی بےقابو نشونما کر کے سرطان کا موجب بنتا ہے۔ پی 53 کی پہلی کوشش تو یہ ہوتی ہے کہ اس خلیہ کو جس کا ڈی این اے بگڑ گیا ہو اس وقت تک تقسیم ہونے سے روکے رکھا جاۓ جب تک کہ خلیات میں موجود ڈی این اے کو درست کرنے والے آلات اسکو درست نہ کردیں۔ بعض اوقات یہ نقص ناقابل اصلاح یا بہت شدید ہوا کرتا ہے اور ایسی صورت میں پی 53 کے پاس اس خلیہ کو خود کشی کی جانب بھیجنے کے سوا کوئی چارہ نہیں ہوتا۔

ترجمہ : پی پریپن سرطان کی سرکوبی کرنے والی جین ، خلیے کی موت و حیات کو قــابــو میں کرنے والے متعدد اشارات کو بہم پیوستہ کرتی ہے۔ یوں کہ جیسے انٹرنیٹ میں موجود ایک کثیر روابط والا نــوڈ منہدم ہوجاۓ، پی تریپن کا منقطع ہوجاتا سخت نتائج رکھتا ہے ^[1]

Original words: The p53 tumour-suppressor gene integrates numerous signals that control cell life and death. As when a highly connected node in the Internet breaks down, the disruption of p53 has severe consequences.

[ترمیم] وجہ تسمیہ

p53 وراثے کے نام میں p کا حرف دراصل protein کی علامت ہے کیونکہ یہ gene ، اسی نام کی پروٹین p53 بناتا ہے۔ اور 53 کا عدد دراصل اس پروٹین یا لحمیہ کا سالماتی وزن یا سالماتی کمیت کو ظاہر کرتا ہے جو کہ 53kD ہوتی ہے۔

• kD = کلو ڈالٹن -- ایک ڈالٹن ، کاربن کے ہم جاء ، کاربن-12 کے ایک جوہر کی کمیت کا 12/1 واں حصہ ہوتا ہے۔

[ترمیم] دیگر نام

p53 کو مندرجہ ذیل ناموں سے بھی جانا جاتا ہے۔

• TP53
• Tumor Protein 53 (لحمیہ ورم)
• TRP53

[ترمیم] تاریخ

• ایک مختصر جائزہ ، اس موضوع پر تفصیلی مضمون کے لیۓ دیکھیۓ تاریخ p53

1970 کی دہائی میں وائرسوں کے سرطان کا موجب بننے پر تحقیق بہت تیز رفتاری سے ہو رہی تھی اور اسی دور میں تحقیقکاروں نے یہ بات دریافت کی کہ وائرسوں میں موجود کچھ وراثے یا genes ایسی لحمیات تیار کرتے ہیں جو کہ انسانی خلیات میں نشونما کے نظام کو بگاڑ دیتی ہیں۔ انکو مستضد یعنی antigen کہا گیا کیوں کہ انسانی (یا جس جاندار میں بھی وائرس ہو اسکے) خلیات ان وائرس کی لحمیات کے خلاف جسمضد (antibody) تیار کرتے ہیں۔ 1979 میں ڈیوڈ لین اور اسکے ساتھیوں نے یہ بات دریافت کرلی کہ وائرس (دراصل SV40) سے پیدا ہونے والے یہ مستضد ، خلیات میں موجود ایک protein سے بندھ یا چپک جاتے ہیں جسکو اسکے وزن کی وجہ سے protein53 کہا گیا۔ ^[2] مزید ایک یہ بات منکشف ہوئی کہ اس نئی دریافت شدہ p53 کا ارتکاز یا مقدار عام خلیات کی نسبت ان خلیات میں بہت زیادہ ہے کہ جن پر SV40 یا کسی دیگر وائرس کا حــملہ ہوچکا ہو۔ اور یہاں سے p53 کو سرطان پیدا کرنے والا سمجھا جانے لگا۔ اب پی53 کی تحقیق میں نہایت تیزی آچکی تھی اور تحقیقکاروں کے کئ گروہ اسکی cloning کی تگ و دو میں مصروف ہوگئے، 1983 میں اورین اور لیوائن ، پی53 کے mRNA کے ایک حصے کا cDNA حاصل کرنے میں کامیاب ہوگۓ ^[3] اس mRNA کی مدد سے p53 جسمضد استعمال کرتے ہوۓ p53 کو حاصل کرنے کے عمل کو اس زمانے میں سالماتی حیاتیات کی معراج فن کہا جاتا ہے۔

لیکن تحقیقکار پی53 کے صرف ایک حصے کے بجاۓ اسکی مکمل طوالت کا cDNA حاصل کرنا چاہتے تھے ، اور بالاخر پینیکا ڈائین نے 1984 میں اس مقصد میں کامیابی حاصل کرتے ہوۓ اپنی تحقیق کی کہانی ایک مشہور جریدے وائرولوجی میں شائع کردی۔ ^[4]

یہ موضوع اس مختصر جائزے پر یہاں ختم ہوتا ہے۔ p53 کس طرح ایک سرطان پیدا کرنے والی جین سے سرطان کی سرکوبی کرنے والی جین بنی ؟ اسکی مکمل داستان کے لیۓ اوپر موجود ، تاریخ p53 کا مضمون مخصوص ہے۔

[ترمیم] پی تریپن کے حیاتیاتی خواص

[ترمیم] حوالہ جات

1. ^ جریدہ نیچر میں شائع ہونے والا ایک جائزہ (پی ڈی ایف ملف)
2. ^ جریدہ نیچر کا ربط
3. ^ نیوکلیک ایسڈ سائنس میں شائع ہونے والی اورین کی تحقیق (پی ڈی ایف ملف)۔
4. ^ جریدہ وائرولوجی میں شائع ہونے والی ڈائین کی تحقیق جس میں p53 کا مکمل cDNA حاصل کرلیا گیا

[ترمیم] مزید دیکھیۓ

• p73