Brênienge

From Wikipedia

Gemeente Brênienge
Bredene
Liggienge binnen het arrondissement Ostende in de provinsje West-Vloandern
Woapen	Vlagge

Geografie
Gewest	Vloandern
Provincie	West-Vloandern
Arrondissement	Ostende
Liggienge	51°14' NB 02°58' OL
Liggienge	{{{latitudeGraden}}}°{{{latitudeMinuten}}}′NB {{{longitudeGraden}}}°{{{longitudeMinuten}}}′OL
Ippervlak	13,08 km²
Inweuners (Bron: NIS)
Inweuners – Vintn – Vrown – Bevolkiengsdichtheid	15.118 (01/01/2006) 49,69% 50,31% 1156 inw./km²
Leeftydsipbow 0–17 joar 18–64 joar 65 joar en oeder	(01/01/2004) 20,93% 63,45% 15,62%
Buutnlanders	2,09% (01/07/2005)
Weirklôoseidsgroad	9,97% (01/01/2006)
Polletiek
Burgemêester	Willy Vanhooren
Coaliesje	sp.a
Zetels sp.a CD&V Vlaams Belang	25 17 5 3
Dêelgemêentn me postcode
Postcode	Dêelgemêente
8450	Brênienge
And're info
Zonenummer
Poliesjezone	{{{polz}}}
Webadres	www.bredene.be

Brênienge (Nederlands: Bredene) is e Belgische gemêente. 't Ligt tusschen Ostende, Klemskerke (e dêel van D'n Oane) en Oed'nburg. 't Is 't ênigste pleksje in hèèl Belgje woa dat er e naktstrange is da legaal is. D'r weunen a-peu-près 15.000 menschen, zoender toeristen. In Brênienge is ter e dyk tusschen de Twins en de vismiene (mo j'is wè goe weggestook'n), en d'r zien ook schone duun'n.

In Brênienge Duun'n is ter een oud visscherskapelletje en de kerke van 't dorp è schone oude kerkemeubels van de joaren zestienoenderd. De woatertorre mag ook gezien word'n. De bekendste inweuner is Staf Versluys, die spytig genoeg e poar joar geleen veroengelukt is. O't slecht were is ku je noa de kunstgalerië van de schilder Anto Diez goan. Z'én nu ook (nog nie lange) een soorte zale woa dat er vanalles te doen is: 't Staf Versluyscentrum.

[bewerk'n] Polletiek

De burgemêester is Willy Vanhooren, en 't is e sos. Je zit ie al van in de joaren tsjeventig in de polletiek. Willy rie gèren mê ze velo en j'et al e poar kêren kampioen van Belgje gewist bi de polletiekers. Je goat ook alle joare met e bendje de Mont Ventoux in Vrankryk goan beklemmn.

Van ol de stemmn (in 2006) en de sossen der 58,1 %; de kalloten 18,4 %; 't Vlaams Belang 12,6 %; de liberaaln 5,4 %; 't Kartel van de groenn mê Spirit 4,6; en Vital 0,7 %. De sossen èn ook nog e Vlamsche Volksvertegenwoordiger in 't Vlams Parlement, die in Brênienge weunt, Jacky Maes. Je zit ie ook al joaren in de polletiek. J'is ook (zesde) scheep'n van fynancies en voorzitter van 't O.C.M.W. Juuste gelyk z'n moat de burgemêester etn ook e board. Vroeger zein ze teegn Jacky en Willy: "de twê board'n".

Den êeste scheep'n is nu Jacques Deroo. Da's die keirel die vroeger oltyd de menschen voe niet no 't stad voerde met oedjoarsaavnd en j'èt ie ook e soorte van e televiesjepost op 't internet, TV-Brênienge. Je ziet em overaal mê ze kamera. J'is ie scheep'n van oop'nboare werk'n en ook van oenderwies, kultuur, biebeljoteek, toeristezakes, oentwikkeliengssamenwerkienge en otonoom gemeentebedrief (A.G.B.). Bie de nieuwe kiezinge aatn ie dudelyk de mêeste voekeurstemmn.

De twide scheep'n is Steve Vandenberghe. Da's e joenge gast die in 't oenderwies stoat en j'is ie scheep'n van ruumtelyke ordenienge, stedebouw, personil, ekonomie, bevolkienge en burgerlyke stand. Volges da't schynt zoetn ie de volgend'n burgemêester word'n.

De derde scheep'n is Doris Vermoortel, die in de ziekeboend werkt. Ze was zie vodien voorzitter van 't O.C.M.W. Nu is ze scheep'n van sociale zakes en uusvestienge.

De volgenden is Erwin Feys, de scheep'n van milieu, verzekeryngn, kerkfabriek'n, vryzinnige centra, reddiengsdienst, consesjes en bêestezakes. Je was ie vroeger facteur en j'èt ook nog e kreimerie oop'nghoed'n in de Dune.

De vuufde scheep'n is Kristien Vanmullem. Z'is zie scheep'n van joenge gastn, wiekroad'n, rekrejoasje en sportzakes.

De voorzitter van de gemêenteroad is Eddy Gryson. J'is ie bankdirekteur in Den Oane.

De secretoaris van de gemêente Brênienge is Yannick Wittevrongel, e joenge gast. Je was ie vroeger sociaal assistent van de gemêente.

De secretoaris van 't O.C.M.W. is Jan Eerebout. Zien voader èt ook nog e tydetje burgemêester van Brênienge gewist, da was Roger Eerebout van de kalloten.