CD&V
From Wikipedia
Christen Democratisch en Vlaams, afgekort als CD&V es e Belgische polletieke partie. 't Es een polletieke partie die redelyk sterk stoat in West-Vloandern. Vroeger was 't de CVP (Christelijke Volkspartij). 't Es een centrumpartie, vroeger ollêne katholyk, moar nu brêeder moatschappelyk: ze moetn wel, want zoevele katholyk'n zin der nie mè, zelfs in West-Vloandern. Moar toch oud'n ze nog an de christelijke woard'n voe uutgangspunt.
In vee gemêenten, voorol ip de buuten, ein ze de absolute mêerdereid, of zittn ze minstens in de gemêenteroad. In Kortryk, êen van de grôtere steed'n, einze 't ol joarn en joarn voo te zeggn. E poar bekende West-Vlamse CD&V'ers zien: Patrick Moenaert, Yves Leterme, Stefaan De Clerck. Ôok Jean-Luc Dehaene, êen van de veurige êeste menisters van 't land, ès e West-Vloamienk van ofkomste.
