Dikkebus
From Wikipedia
| Dikkebus | |
|---|---|
 |
|
| {{{kaart2}}} | {{{kaart3}}} |
| Geografie | |
| Provinsje |  West-Vloandern |
| Gemêente | Yper |
| Liggienge | {{{nb}}} NB {{{ol}}} OL |
| Liggienge | 50°49′NB 2°49′OL |
| Oogteliggienge | {{{hoogte}}} m |
| Ippervlakte | 10,06 km² |
| Bevolkienge (Bron: NIS) | |
| Inweuners – Bevolkiengsdichtheid |
1.400 (1999) /km² |
| Vintn Vrown |
{{{mannen}}}% {{{vrouwen}}}% |
| And're info | |
| Postcode | 8900 |
| Zonenummer | |
Dikkebus is e parochie in de Belgische provinsje West-Vloandern en e deelgemêente van Yper. Tweun e klêne vichtienoenderd mensch'n.
Inoud |
[bewerk'n] Liggieng
Dikkebus ligt teeg'n Euvelland, mor is zeve zo goed of plat. De parochies die derroend ligg'n, zyn Vloamertienge, Kemmel, De Klyte en Rinnegelst.
[bewerk'n] Informoasje
Dikkebus is e schôon vôorbeeld van Lintbebouwienge, de parochie ligt gêlegans an de Grôte Boane (Dikkebuscheroute, Dikkebusseweg in't AN). Deur asverschuuvieng'n, en aar kleur va terremak en êentege bomtjes en z'etracht om 't uutzicht van de platse te verbeter'n.
Dikkebus is mêer dan Dikkebus ollêne. Oek 't gehucht 'n Krommenelst (dat up 't groendgebied va Vloamertienge ligt) is dêel van de parochie Dikkebus.
'n Postnuumerô is 8900 ('t zeste lyk Yper en Sient-Jan), mo 't is oek nog 8904 (nu van Boezienge) ewist. E post is er ol lange nemê, deur centraliezoasche moetn de Dikkebusnoars ol styf lange nor Yper goan. In't oed gebouw van 'n Post zit de KSA nu.
[bewerk'n] Geschiedenisse
Ze zeggn dat Dikkebus êest e joagersutje wos in de bussch'n oender Ippr. De noame komt van 'dikke' (dichte) en 'bus' (struuk'n of troengk'n). De betêkenisse van de noame is nu wel gêlegans weg, want vele boom'n stoan der nemê.
D'êeste gebouw'n in Dikkebus woar'n êentege klôosterweunieng'n in 1072.
De vyver is volgens de legende en ofdruk van de botte van e reuze (en et de vorme van e schoe) en deur 't ofklopp'n van die botte, is 'n Kemmelberg oentstoan. Eigentlyk is'n geweune oentstoan deurda poaters uut Vormezêle de Kemmelbeke ofedamd en.
In Êestn Weireôorloge is bykan olles kapot eschootn.
[bewerk'n] Interessant
- Iengelsche kerkoov'n: in de Neerplatse, Kerkestroate, Stêenakkerstroate
- Dikkebusvyver: bekend voe ze poalienk, ze kalmte, ze bôotjes en 't Vyveruus. Ze poemp'n doar oek e masse drienkwoater uut voe d'Yperlieng'n.
- Kerke va Sint-Jan Doper: neogotisch, erzet achter 'n ôorloge.
- Vaubantôorn: tôorn deur Vauban ezet voen 't sluus en dus 't woater voe de vestieng'n van Yper te bescherm'n.
- Dikkebus Kerremesse: up't ende va juni is't de noamfêeste van Sient-Jan 'n Doper en dus oek kerremesse in Dikkebus. Buutn droaimeul'n, e vis- en e schietkroam, zyn der oek nog e mass'aar dieng'n te doen.
- Sinte-Moarten: 'n efsn november gift Sinte-Moartn speelbucht en sneukelienge an de joenges. 'n Oavend dervôorn is't er oek e stoet. De joenges loop'n toene me koebêetn med e keise in deur de stroatn ('t zin oek nog e poar ziestroatn en wyk'n) van Dikkebus, achter Sinte-Moartn, Zwoarte Piet en 't meziek. De garde lopt ossan vanachtern.
[bewerk'n] Verênegieng'n
[bewerk'n] Jeugd
- KAJ Dikkebus (lokoal: d'oude klaslokoal'n bie de zoale)
- KSA Ollebast (lokoal: 'n oed'n Post)
[bewerk'n] Sport
- Sparta Dikkebus (Foetbol, 4de provinsjalle)
- Vyverspurters (rich'n koers'n in)
- De Woarn vyverclub (toeristn)
- Veugelpikclub De Kobbe
[bewerk'n] Aar
- KAV (voe de vromensch'n)
- Okra (d'oun van doag'n, lyk of dam zegg'n)
- KVLV (voe de vromensch'n van de boer'n)
- De Vyverzeun (de Vijverzonen, 't meziek)
- 'n Dorpsroad
- De Fêestkommische
- De Boend (va krôostryke gezin)
- Zieknzorg
- De Pompiers
- ...
[bewerk'n] Voen echte Dikkebusnoars
[bewerk'n] Stroatn
- Kapellestroate (oede benoamienge van d'Oede Bellestroate)
- Schytstratje (echte noame van de Schietstraat, komt van schytn achter d'oage)
- Grôte Boane (roepnoame van de Dikkebuscheroute)
- Klêne Vloamertiengstroate (nu Groene Joagerstroate)
- Grôte Vloamertiengstroate (nu Zorgvlietstroate)
[bewerk'n] Platsnoamn
- Koenes Reke (van Yper komde an je reksch'n kant)
- n' Roazelpuut (kruuspunt van de Kerkestroate en 'd Ollebaststroate)
- de Millekruse (tusschn Dikkebus en De Klyte)
- 'n Ollebast (an de Grôte Boane, reks goj non Oerdom (Rinnegelst))
- 'n Canada(oek) (tusschn Ollebast en Oerdom)
- 't Kapelletje (ekend oender fanoatn van Rally, by 'n Canada)
- de Platse (centrum va Dikkebus, no de platse goan: kommisch'n gon doen)
- 'n Café Français (benoamienge van e café up 'n Krommenelst, nu platsaandudienge)
- 'n Eird (up't kruuspunt van de Wiendeweug en de Zweirdstroate, met en S-bochte woa danze deure rien metn rally)
[bewerk'n] Benoamieng van ander dieng
- De Kobbe (roepnoame van 't Kobbetje)
- Ammelôotns (roepnoame van 't Hof van Commerce)
- De Zoale (roepnoame van 't CC)
- Vosjes villa (benoamieng van e villa med e stroojn dak up)
- 'n Café Belge (lag an aar'n kant van Café Français, bestoa nemêe)
- 'n Boer'nboend (roepnoame van Aveve)
