Eugène Van Oye
From Wikipedia
Eugène Van Oye (Toeroet, 3 juni 1840 - Gistel, 4 juni 1926) was dokteur van ipleidinge, en wier lokaal bekend als dichter en toneelschryver. Ie was de zeune van René Van Oye die dokteur was in Toeroet en een van de stichtende leraars was van d'oede staatslandbouwschole van Toeroet.
[bewerk'n] Dien avond en die rooze
Eugene kwam goed overeen met ze lerare Guido Gezelle ton dat em in 't Kleen Seminarie zat in Roeselare. Der is een lange reke brieven van de 2 bewaard. De vriendschappelyke relatie van Eugene met zyn oed-lerare is surtoe gekleurd deur een gedicht da Guido schreef en ipdroeg an Eugene, "Dien avond en die rooze", achter da Eugene Guido letterlyk een roze a gegeven.
[bewerk'n] Studies achter zyn vertrek uut Roeselare
Guido Gezelle A 't allessins verkorven bie Eugenes vader, René Van Oye, achter da Guido geprobeerd adde om Eugene der van 't overtuugn dat em een priesterroepinge adde. Vader Van Oye gienk zoverre dat em zyn zeune weg haalde uut Roeselare in zyn middelbare studies dei doen an de Normaalschole van Toeroet.
Van Oye studeerde geneeskunde an den univ in Leuven tusschen 1860 en 1866. Je wier lid van de studentenvereniginge "Met Tijd en Vlijt", een genootschap voe Flaminganten. Ie studeerde later ook nog in Gent. Beist de Frans-Duutsen oorlog was Eugene vrijwilliger in 't Frans leger.
[bewerk'n] Letterkunde
Tope met Hugo Verriest, Gustaaf Verriest, Karel de Gheldere en Karel Callebert wordt Van Oye toe de leerlieng van Gezelle gerekend. Met zyn werk "Godelieve van Gistel" kreeg Eugene in 1924 de Staatsprys voe Vlaamse toneelletterkunde.
Een selectie uut zyn werk: Morgenschemer (1874) Vonken en stralen (1889) In 't blauwe (1904) Godelieve van Gistel (1910) Balder's dood (1909) Mijn gevangenis (1923)
Bronn: VAN DER PLAS, MICHEL, Mijnheer Gezelle. Biografie van een priester-dichter, uutgegeven bie Lannoo Anthos, Tielt, 1998.
LECOMTE, ERIK, artikelenreeks over de voormalige Staatslandbouwschool te Torhout in Ter Linde, Oudleerlingenblad van het Vrij Land- en Tuinbouwinstituut van Torhout.
