Kamer
From Wikipedia
De kamer van 't Brugse Vrije was de platse van woruut dat de schepens 't Vrije bestierden. De kamer bestond al in 1190, en wier vermeld in de Keurbrief als de "raedcamer". Der wier in de kamer ook recht gesproken.
In tegenstellinge toe de vierschare waren de zittingen van de kamer nie openbaar. In de kamer wiern de processen gevoerd wo dat er gin onderlinge verbintenisse of contract was tussen den eiser en de verwerder. Met andere woorden, in de kamer wiern de processen gevoerd wo da 't recht moste ginterpreteerd worn. Om gin precedenten te scheppen vergaderden de schepens in zukke processen met meern, minimum met vuven.
Processen wo dat er "snelrecht" nodig was, bevoorbeeld a't gink over levende beesten of over alimentatiegeld voe mensen, kost de zake voe de kamer worn gebrocht, ook al moste die zake in normale omstandigheen voe de vierschare gekomn en. Da was 't geval a't er gevraagd wier achter sommiere decisie.
Meestal naamde 't eerste document van een proces voe de kamer rekwest, soms wiern der voe de kamer processen begost met een causatie. De processen voor de kamer volgden in grote lien de procedeure in 't Vrije zuste lik de processen die voôr de vierschare kwaam.
De kamer wier tope met d'andere instellingen van 't Ancien Regime ofgeschaft in 't latste decennium van de d'18d'eeuwe.
[bewerk'n] Bron
- L. Inghelbrecht, Processen in het Brugse Vrije. Taakverdeling tussen kamer & vierschaar, in: Jaarboek Spaenhiers, Koekelare, 2007.
