Lengtegroad
From Wikipedia
De lengtegroad es soamen met de brêedtegroad een geogroafische posisieandudinge in bolcoördinoatn. Ie wordt utgedrukt in bolcoordinoatn als volgt:
- Bepoal een vlak deur de Nôordpool, Zudpool en Greenwich in Ingeland.
- Bepoal een twêede vlak, ipnieuw deur de twêe pool'n en deur het punt woarvan daje de lengtegroad wil weetn.
- Den oek tuss'n die twêe vlakk'n es de lengtegroad, positief oje ten Ôostn van Greenwich zit, en negatief oje ten Westn zit. In absolute woarde kant de Lengtegroad nie mêer dan 180° zin.
De keuze voo Greenwich es volledig arbitrair, en tôont an da Ingeland et tôonangevende land wos ip't moment da de coordinoatn ingevoerd zin.
