Lisseweegs Varretje
From Wikipedia
't Lisseweegs Varretje is e kanoaltje in Lissewege, in de Belgische provinsje West-Vloandern. 't Varretje is een oede, van oorsproeng nateurlyke woaterweg tussn de stad Brugge en de Nôordzee. 't Lisseweegs vaartje lopt dwes deur 't dorpscentrum. Der liggn drie stêenn bruggn over: de Tiendebrug, de Heulebrug en de Roelandsbrug.
Oorsproenkelyk lag t'er tussn Lissewege en de zêe de "olievliet"; tussn Ter Doest en Brugge lag e voartje met de noame "Lissewegeree". In 't begun van den 13sten eeuw werd er e kanoal gegroavn voe die twee met mekoar te verbienn. Da kanoal werd gegroavn dwes deur de terpe woa da't dorp Lissewege ip lag. 't Lisseweegs Varretje werd eest gebruukt voe den anvoer van Doornikse blowsteen voe de bow van d'abdie en de kerke, en loater als ne handelsweg noa Brugge.
[bewerk'n] Ofbeeldiengn
 Lisseweegs Vaartje en Lissewege |
 Lisseweegs Vaartje in dorpscentrum |
 Lisseweegs Vaartje en gelyknoamige stroate |
