Lystermeuln

From Wikipedia

*Liestermeuln (Lijstermolen)*
Liestermeuln
Plekke:	Westoeter
Bowjoar:	1805/1960
Type:	Stoakmeuln
Eig'nschapp'n:	{{{kenmerken}}}
Vlucht:	ca. 24m
Funcsje:	Kôrenmeuln
Restauroasjes:	{{{restauraties}}}
Ôorsproenkelyk gebruuk:	{{{oorspronkelijk gebruik}}}
Tegenwoordig gebruuk:	{{{huidig gebruik}}}
Tegenwoordige meulnoare:	{{{molenaar}}}
Externe link:	{{{externe link}}}

De Liestermeuln is ne wiendmeuln ip de Rôonberg in Westoeter, e dorpsje in de Belgische gemeente Heuvelland. De meuln stoat in e bebuste omgevienge op de Rôonberg, met vlak doabie 't restaurant "landhuis 't Molenhof" en de koabelboane van de Roônberg.

Den oet'n wiendmeuln is e stoakmeuln. Je stoend êest ip de Liester'oek in Bèèrnem, woa da ze ne noame dus va komt. De meuln is roend 1801-1805 ipgericht gewist, en je blêef toet 1957 in 't bezit van de famielje Van Haecke, de famielje van den oorsproenkelyke bowhere. Toet 1947 was de meuln actief.

In 1955 schreef 't "Provinciaal Comité voor Monumenten en Landschappen van West-Vlaanderen" noa de gemêemtebestuurn van de provinsje West-Vloandern voe den ankoop van de meuln. Burgemeestre Emiel Hardeman va Westoeter reageerde en in 1957 kocht de gemêente de meuln voe 20.000 Belgische frank. Van 1958 toet 1960 werd de meuln in Westouter eripgebowd in Westoeter, ip e traditionele maniere. Den 21sten juli van 1961, de fêestdag van de Eillige Victor, de patrôoneilige van de meulenoars, is de meuln ingehuldigd. De meuln droaide nog bie zen inuldigienge, moa j'is nooit effectief gebruukt gewist.

Al in 1984 bemerkte ze dat zene stert ol kromme getrokk'n was, zodat de meuln in 't hele nie mè kost gebruukt wor'n. Achter ne storm de 25sten januari van 1990, was de kasse van de meuln helegans gedroaid, zodat de wiend vuluut ip den achterkant van 't gevlucht blies. De meuln kost were gedroaid en gered wordn, en loater in da joar en ze ol e dêel renovoasjewerk'n uutgevoerd. Uutindelyk is de meuln in 2004 e beschermd monument geworn ^[1], en werd 't hope met zen omgegevienge e beschermd dorspgezicht ^[2].