Marc Degryse
From Wikipedia
Marc Degryse (Roeseloare, 4 september 1965) is een Belgischen ex-voetboller (aanvallende middnvelder-spits). Toet in 2007 was tie sportleider bie Club Brugge.
[bewerk'n] Voetbolcarrière
Degryse begoste te voetbolln bie VC Ardooie moar e ging ol zêre na Club Brugge. E wos 2 kêers kampioen va Belgie. Achter zes joar verusnde na de grôte concurrent Anderlecht. Vele supporters va Club Brugge e nem dat nôoit hêlegans vergevn en zulln da oek nôoit doen. Mè Anderlecht kwam Degryse 4 kêers kampioen.
In 1995 ging Degryse na Sheffield Wednesday in Iengeland. Dat wos gin succes. Doarom verusden ie na PSV voe twee joar. In 't latste joar muchtn ni vele speeln. Dat wos ni na de goeste va Degryse en e kêerde were na Belgie. Êerst na AA Gent, loater na Germinal Beerschot. Ze latsn match wos in mei 2002.
Marc Degryse speelde oek voe Belgie. In 63 interlands makten ie 23 goals.
[bewerk'n] Achter zin actieve carrière
Achter zin actieve carrière als voetboller es't ie in 2003 bie Club Bugge begonn'n als sportief directeur. Ie wos ondermêer verantwoordelyk voo de transfers en de anwervienge van de trainers. Ip 27 januoari 2007 eit ie ontslag genoomn noa een periode van anderalf joar woarin da Brugge gin pottn brak. Zin foalend transferbeleid wos êen van de ôofdôorzoak'n doarvôorn.
[bewerk'n] Varia
- In 1991 won Degryse de Goudn Schoe: e pris van de journalisten voe de bestn voetboller van 't joar.
- De bienoame va Degryse wos de kleine (uutgevoen deur Johan Boskamp).
