Marseille
From Wikipedia
Marseille is een oavnstad int zudôostn van Vrankryk. Tes de twîdde grôotste stad van Vrankryk me mêer dan 800.000 inweuners.
[bewerk'n] Geschiedenisse
Marseille is gesticht gewist deur de Griek'n in 600 VC en noemde ton Massilia. 't Was in dien tyd een vrêe belangryke stad totdan ze spel kreegn me Julius Caesar, die under zelfstandighied afpaktige. In de middeleeuwen is Marseille bezet gewist deur verschillige volkern, en zadd'n ôok nog ne kêe miserie mè islampiroatn. 't Es pas vanaf 1480 da Marseille bie Vrankryk kwam.
Vandoage is Marseille gekend als een explosieve stad. Da begost ol in de 19e eeuw toen da Marseille populair kwam bie kunstenoars, toeristn, intellectueeln en avonturiers, en 't zoatn bovndien veel légionairs (zwoare gastn dus), omda Marseille den toegank noar de Fransche kolonies in Nôord-Afrika wa. De latste joarn e Marseille vree vele last gehad van verloederinge, ma 't bluft nog alsan een vrêe belangryke en populaire stad.
[bewerk'n] Attraksjes
Marseille es vôoral gekend voo:
- 't platselyke eetn (bouillabaise en andre visgerechtn);
- voetbol (Zinedine Zidane es van doare en Olympique Marseille es nog olsan de populairste ploeg in Vrankryk);
- toerisme (surtout in de Provence);
- Jongerncultuur (platselyke hiphop, Taxi, …);
- zêpe (oek te vin in wosverzachter).
 |
Mêer ofbeeldiengn die ier by passn ku je vien ip Marseille ip Wikimedia Commons. |
