Patrick Lefevere
From Wikipedia
- Dit artikel es geschreevn in 't Môoslees, en da zoe best ozô bluuvn.
Patrick Lefevere (Môoslee, 6 januoari 1955) es ne vroegern coureur, die surtoe bekend es gekommn als sportdirecteur va grôte ploegn lyk Mapei (joarn '90) e Quick·Step-Davitamon (nu Quick·Step-Innergetic). Oender zien leidienge rêed'n en ryn d'r bekende coeureurs lyk Johan Museeuw, Tom Boonen, Michele Bartoli, Paolo Bettini e Frank Vandenbroucke. Patrick Lefevere es anno 2006 ôok vôorzittre van Vereniginge van Internationoale Profploegn en lid van d'UCI-comisje tegen dopinge.
Patrick Lefevere duft oltemets stravve uutsproak'n doen. Latst ètn Tour-winnoare Floyd Landis uutgemakt achter zien vermêend dopinggebruuk.
In januari 2007 komt er een reke artikels uut in de gazette Het Laatste Nieuws woarin da Lefevere zwoar beschuldigd es van 't organiseren van dopinge by zyn coureurs.[1] Lefevere start n zoake vo 't gerecht tegen de gazette. 't Verhoal angt met oakn' en oagen an mekoar en stoat vul met leugens, zegt ie.
Inoud |
[bewerk'n] Profcarrière als coureur
- 1976: bie Ebo - Cinzia
- 1977: Ebo - Superia
- 1978 en '79: Marc Zeepcentrale - Superia
Overwinnieng'n
- 1975: 4de etappe Olympia's Tour (bie de liefebbers)
- 1976: De Panne; Merelbeke
- 1977: Gullegem; Maaslandse Piel
- 1978: Kuurne-Brussel-Kuurne; 4de etappe Roende van Spanje; Westrozebeke
- 1979: Omlôop van de Grensstreke
[bewerk'n] Carrière als ploegleidre
Olverwege 't sezoen '79 stopte Lefevere als coureur en wierd adjunct-sportdirekteur bie de ploeg woa dat ie koerste, Marc Zeepcentrale. Je lêert de stiel als adjunct van Walter Godefroot bij Capri-Sonne en Lotto. Je wordt ploegleidre bie Mapei - GB, da loatre Mapei - Bricobi en Mapei - Quickstep wordt. Doarachter begunt ie als manager van Quickstep - Davitamon.
[bewerk'n] Externe koppelienge
Patrick Lefevere up De Wieler Site
[bewerk'n] Bronn'n
- ↑ Het Laatste Nieuws, URL bekeek'n op 24/01/2007
