Proosse
From Wikipedia
't Proosse of meer officieel de Proosdie van Sint-Donaas was e kerkelyke heerlykheid omdat 't in leen gegeven was an ne geestelyken hoge piet, de proost van Sint-Donaas. D'oedste vermeldinge van de wet en de redenaars van dienen heerlykheid dateren van 1067.
't Proosse bestoend uut een hele reke enclaves met nen eigen wet in Brugge, en bin de kasselryn van 't Brugse Vrije, Veurne, Sint-Winnoksbergen, Broekburg, Kassel, Belle, Riesel, Kortriek, en den Oedburg van Gent.
Voe 't bestier wier de proost biegestaan deur ne baljuw en 28 raadsheren die hier redenoars genaamd wiern. De voorzitter wier president genaamd.
't Proosse had een leenhof en e vierschare, olle twee met zeven schepens. Da leênhof ressorteerde onder de Wetachtige kamer van Vlaandern, en had vuuf ondergeschikte leenhoven. De vierschare bezat zowel hoge, middele als lege rechtsprake. In criminele zaken was ze bevoegd voe d'uutsprake en voe d'uutvoeringe van kapitale vonnissen (dôodstraffen dus).
[bewerk'n] Bronne
VANDERMAESEN, M., Overzicht van de archieven en verzamelingen van het Rijksarchief te Brugge, Archiefvormers in de gerechtelijke arronissementen Brugge, Ieper en Veurne, deel I, Archieven van overheidsinstellingen tot 1795, uutgegeven deur 't Algemeen Rijksarchief, Brussel, 2001.
