Sea Life Centre
From Wikipedia
't Sea Life Centre is een zoo die de noadruk legt ip de beschermienge van zêeën en oceoann. Doavôorn voeren ze campagne via 't "SOS Conservation en Rescue Programma". 't Makt dêel uut van e hêle reekse in Iengeland, Ierland, Duutsland, Finland, Frankryk, Olland en Spanje. D'n deen van Belgje ligt in Blanknberge. In de mysterieuze oenderwaoterweireld kun je oenderdn sôortn vissen en andere zêebeweuners bekykn. Den elt van elk verkocht ticket wordt gebruukt vo de verzorginge van de bêestn.
[bewerk'n] Attracties in Sea Life Blanknberge
- De vyver mè zêeoendn en zêelêeuwen. De zieke en gekwetste zêeoendjes wordn verzorgd in de zêeoendnklinieke
- Voederdemonstroaties by de otters, mêeuwen, pinguins, zêeoendn, roggen en krabbn
- Kwêekcentrum vo zêepeirdjes
- Den oenderwoatertunnel woa da 't juuste is lik da je beneedn ip de groend van de zêe lopt
- Roggn die je kunt strêeln
- Koroalrif
- "Claws", een nieuwe expositie sedert 2007, met uutzoenderlikke krabbn lik de enorme Japanse Kobbekrabbe en de Kokosnootkrabbe.
