Vlaams Belang
From Wikipedia
Vlaams Belang is een Vlamse politieke party die bestoat sedert 14 november 2004. Ze is reks-conservatief (volgens de partymenschn), extreem-reks toet platweg racistisch-populistisch (volgens polletieke tegenstanders).
Inoud |
[bewerk'n] Geschiedenisse
Vlaams Belang is de opvolger van 't Vlaams Blok. In 2004 woarn 3 vzw's verbond'n me het Vlaams Blok angekloagd en verôordeeld voe racisme deur 't Of van Cassoasje, de ogste rechtbank va Belgje. Doarip beloot de party van noame te verandern.
Tot in 2006 giengn de verkieziengsuutsloagen van't VB oltyd moa in stygende lyne. Vô de Gemêenteroadsverkiezingn 2006 krêeg Filip Dewinter en koude douche deur 'n uutslag van Patrick Janssens, moa ôok in de grôte steed'n was't nie oltyd ne vettn.
Anno 2007 zien we veranderiengn in de winnoarsmentaliteit en stuuft et ol ne kêe in den top van 't VB. Me de nieuwe "Lyste Dedecker" ester ne nieuwn die komt vissen in dezelfd'n vyver.
[bewerk'n] Oofdpuntn van 't programma
Sedert die verôordelienge probeert 't Vlaams Belang neur racistiese parleej e bitje in te perk'n. Moa nie olle verkooznen sloagn doa even goed in. Dat is oek normoal: de arde kritiek op immigrantn is oek êen van de belangrykste reed'nen vowuk da 't Vlaams Belang goed scôort in de verkiezingn.
- De vrimde moetn nunder anpassen a nuuze toale e de Vlamse cultuur.
- Vloandern oenofankelyk. Dikkers verwôord in de krete België barst.
- Mêer blauw op stroate voe mêer veiligheid en e betere bestryding van de criminaliteit.
- De familie is belangryk. Vele mêer kindjegeld om de voader of de moeder by 't gezin te loatn in de plekke va te goan werk'n.
- Economie: minder macht voe de vakbond'n, gin geldstroomn ne mè na de Woaln e na Brussel.
- Der meug'n gin vrimde mêer immigreern in Belgje.
[bewerk'n] De kopstukk'n
De vôorzitter is Frank Vanhecke. Andere kopstukk'n zyn Filip Dewinter e Gerolf Annemans.
Zôwel Frank Vanhecke as Filip Dewinter zyn afkomstig van Brugge moa het centrum van de party en ulder activiteitn ligt in Antwerpen.
