Wienkel

From Wikipedia

Dit artikel es geschreevn in 't Wienkels, en da zoe best ozô bluuvn.

Sint-Eloois-Winkel

{{{kaart2}}}	{{{kaart3}}}
Geografie
Provinsje	West-Vloandern
Gemêente	Ledegem
Liggienge	{{{nb}}} NB {{{ol}}} OL
Liggienge	50°52′NB 3°10′OL
Oogteliggienge	{{{hoogte}}} m
Ippervlakte	8,76 km²
Bevolkienge (Bron: NIS)
Inweuners – Bevolkiengsdichtheid	() /km²
Vintn Vrown	{{{mannen}}}% {{{vrouwen}}}%
And're info
Postcode	8880
Zonenummer

Wienkel (Nederlands: Sint-Eloois-Winkel) es is e dêelgemêente van Legem en weird wok wel ne kêer Kapelle genoemd.

D'officiële noame is St.-Eloois Winkel. Deur de joarn is Wienkel dikwils van noame veranderd en doardeure bestoan d'r wok ol die verskilnde utsproakn. In 1382 weird er den êeste kêer gewag gemoakt van Cappelle ten Winkele, in 1903 is ton indelyks de noame St.-Eloois Winkel anveird.

[bewerk'n] Geskienisse

Gelyk da de noame doe vermoedn is Wienkel in tydde ontstoan rond een kapelle die an den oek van e stroate stond. Wienkel is ton wok et odde Vlamse woord vôo oek. Die kapelle wos echtre gin kerke woadeure da we nie keun'n spreekn van e prochie.

Tut 1747 mostn de Wienkelnoars olsan noar de messe goan in Gullegem want onder die prochie vieln ze. Jin van de invloedrikke jirn van de hofstee 't Goed ter Schuere, Jean Baptist Mulle de Terschueren mjir bepoald, ging in da joar un anvroage gan doen bie de biskop van Dôornik om Kapelle un aparte prochie te moakn. Dankzie zinne invloed is em da gelukt. Ze zin ton wok begon mee e kerke te bouwn.

In de nacht van achte ip neegn juni 1953 is die kerke ofgebrand. Bie gebrek an woatre en goe blusmaterioal is't gebouw compleet utgebrand, alljinne de meurn ston'n nog rechte. Njin'n 's nachts sloeg de klokke nog vôo de latste kêer tebistn da olles d'r rond in brande stond. E traumoatische gebeurtenisse vôo de Wienkelnoars. In 1956 wier't er begon'n mee de nieuwbouw en ip 20 juli 1959 is ze were ingewid. De moderne kerke da we nu zien, is ipgetrokn rond't geroamte van de odde.

De latste derte joar is Kapelle doane zêre an't utbreidn. Wa da ôoit e klêne prochie wos mee e poar uzjes is nu e toamelykke beweunde kern mee hêel wa typisch Vlamske verkoaveliengn.